દિલ્હી કેપિટલ્સે IPL 2024 લીગ તબક્કામાં તેમની છેલ્લી મેચ 19 રને જીતી લીધી છે. જીત છતાં, DCની પ્લેઓફમાં જવાની શક્યતાઓ ખૂબ જ ઓછી દેખાઈ રહી છે.

દિલ્હી કેપિટલ્સે લખનૌ સુપર જાયન્ટ્સને 19 રને હરાવ્યું છે. ડીસી તરફથી ઈશાંત શર્માએ 3 વિકેટ લઈને ટીમની જીતમાં મહત્વની ભૂમિકા ભજવી છે.

પહેલા રમતા દિલ્હીએ 208 રનનો વિશાળ સ્કોર બનાવ્યો હતો. આ મોટા લક્ષ્યનો પીછો કરતી વખતે એલએસજીના બેટ્સમેનો મોટી ભાગીદારી કરી શક્યા ન હતા. લખનૌ તરફથી નિકોલસ પુરને સૌથી વધુ રન બનાવ્યા હતા. પુરને 27 બોલમાં 61 રનની તોફાની ઇનિંગ દરમિયાન 6 ફોર અને 4 સિક્સર ફટકારી હતી.

આઈપીએલ 2024માં સદી ફટકારનાર માર્કસ સ્ટોઈનિસ સિવાય કેપ્ટન કેએલ અને અન્ય ઘણા બેટ્સમેન રનના મામલે ડબલ ફિગરને પણ સ્પર્શી શક્યા નથી. દિલ્હી કેપિટલ્સ તરફથી ઈશાંત શર્મા, મુકેશ કુમાર અને કુલદીપ યાદવે પણ સારી બોલિંગ કરી હતી. આ જીત સાથે, દિલ્હીને 14 પોઈન્ટનો ફાયદો થયો છે, પરંતુ ખરાબ નેટ રન-રેટને કારણે, DCની પ્લેઓફમાં જવાની શક્યતાઓ ખૂબ જ ઓછી લાગે છે. આ દરમિયાન એલએસજીની હારને કારણે રાજસ્થાન રોયલ્સ પ્લેઓફ માટે ક્વોલિફાય થઈ ગઈ છે.