જૂનાગઢ લોકસભાની બેઠકના ઉમેદવાર તરીકે વર્તમાન સાંસદને ટિકિટ અપાતા ચોરવાડમાં હોળીના દિવસે દિવાળી જેવો માહોલ સર્જાયો હતો. સાંસદ રાજેશ ચુડાસમાએ પાંચ લાખથી વધુની લીડથી જીતવાનો વિશ્વાસ વ્યક્ત કર્યો હતો. 
 લોકસભાની ચૂંટણી ભાજપ દ્વારા વિવિધ બેઠકો પર ઉમેદવારો જાહેર કર્યા હતા પરંતુ જૂનાગઢની બેઠક પર ઉમેદવાર જાહેર કરવામાં આવ્યા ન હતા. જેથી અનેક લોકોના નામો ચર્ચામાં હતા અને અનેક લોકોએ પ્રદેશ કક્ષાએ લોબિંગ પણ શ‚ કરવામાં આવ્યું હતું .પરંતુ પ્રદેશ દ્વારા ફરીથી કોળી જ્ઞાતિના વર્તમાન સાંસદ રાજેશભાઈ ચુડાસમા પર પસંદગીનો કળશ ઢોળવામાં આવ્યો હતો. ત્યારે હોળીના દિવસે જુનાગઢ લોકસભા બેઠક માટે વર્તમાન સાંસદ રાજેશભાઈ ચુડાસમા ને સતત ત્રીજી ટર્મમાં રીપીટ કરાતા સમર્થકોમાં ઉત્સાહનો માહોલ છવાયો હતો. ચોરવાડમાં રાજેશભાઈ ચુડાસમાના સમર્થનમાં ડીજેના તાલે રાસ ગરબા ધામધૂમથી ઉજવણી કરવામાં આવી હતી રાજેશભાઈ ચુડાસમા દ્વારા સતત ત્રીજી ટર્મમાં ટિકિટ ફાળવવા બદલ પાંચ લાખથી વધુની લીડ થઈ જીતવાનો વિશ્વાસ વ્યક્ત કરી લોકોના કાર્યો પૂરા કરવા કોલ આપ્યો હતો. અને ચોરવાડમાં હોળીના દિવસે દિવાળી જેવો માહોલ સર્જાયો હતો.