રાજકોટ, લોધિકા અને પડધરી તાલુકાના 180 ગામોનું વિશાળ કાર્યક્ષેત્ર ધરાવતા સૌરાષ્ટ્રના સૌથી મોટા એવા રાજકોટના બેડી માર્કેટ યાર્ડમાં જીરૂની આવક વધીને બમણી થઇ છે. સામાન્ય રીતે આવક વધવાની સાથે ભાવ ઘટતાં હોય છે પરંતુ આ વર્ષે આવક વધવાની સાથે ભાવ પણ વધ્યા છે. વિશેષમાં રાજકોટ માર્કેટ યાર્ડના વેપારી સુત્રોએ જણાવ્યું હતું કે આજે વહેલી સવારે થયેલી હરરાજીમાં નવા જીરૂની આવક બમણી થઇને 6000 મણ થઇ હતી, આ સાથે હાલ સુધી પ્રતિ 20 કિલોનો ભાવ ગુણવત્તા અનુસાર 4100 સુધી હતો તે વધીને 4500એ પહોંચ્યો હતો. આ મુજબ આવક વધવાની સાથે ભાવ પણ વધ્યા હતા.

આ વર્ષે વધુ ઠંડી પડતા પુષ્કળ ઉત્પાદન; સપ્તાહ બાદ સીઝન જામશેઆ વર્ષે સક્કરિયાના પાકની ગુણવત્તા નબળી
રાજકોટ માર્કેટ યાર્ડના શાકભાજી વિભાગમાં શિવરાત્રી પૂર્વે સક્કરિયાની ધૂમ આવક શરૂ થઇ છે, જો કે સૌરાષ્ટ્રમાં સક્કરિયાનું વાવેતર ખૂબ ઓછું થતું હોય મોટા ભાગનો જથ્થો ખંભાતથી આવે છે. દરમિયાન આ વર્ષે ચોમાસામાં દશેરા સુધી વરસાદ વરસતા પાકની ગુણવત્તા નબળી પડી છે. શિવરાત્રીના ફરાળમાં સક્કરિયાનો મોટાપાયે ઉપાડ થતો હોય આ વર્ષે રાજસ્થાનથી સારી ગુણવત્તાના માલની આયાત કરાશે તેમ વેપારીઓએ જણાવ્યું હતું.