જૂનાગઢમાં ૨૦ ટકા ઉંચા વ્યાજે લીધેલી રકમ પરત આપ્યા છતાં વધુ ૨ બે લાખની પઠાણી ઉઘરાણી કરવા મામલે વ્યાજખોર સામે પોલીસ ફરિયાદ નોંધાઈ છે.
આ અંગે બી ડિવિઝનમાંથી પ્રાપ્ત વિગત મુજબ સંગાડીયા બજારમાં રહેતા મૂરતુજા ભાઈ મુસ્તાકભાઈ પારેખે મહેબૂબ ભાઈ ઠેબા પાસે ૧ જાન્યુઆરી ૨૦૨૨ના ૨૦ ટકા ઉંચા વ્યાજે ૧.૪૦ લાખની રકમ ચેક સિક્યુરિટી પેટે આપી દીધેલ હોય જેના ૩.૯૨ લાખની રકમ ચૂકવી દીધા હોવા છતાં વધુ ૨ લાખની રકમ બળજબરી થી કઢાવવા પઠાણી ઉઘરાણી કરી જાનથી મારી નાખવાની ધમકી આપ્યાની  ફરિયાદ નોંધાવતા પોલીસે ગુન્હો નોંધી વધુ તપાસ બી  ડિવિઝન પી.એસ.આઇ સાંગાણીએ હાથ ધરી છે.