ભાણવડ તાબેના નવાગામ ખાતે હાલ રહેતી અને ઈબ્રાહીમભાઈ જુમાભાઈ હિંગોરાની 32 વર્ષની પરિણીત પુત્રી નસીમાબેન તારમામદ હિંગોરાને તેણીના લગ્ન જીવન દરમિયાન તેણીના પતિ તારમાદ મુસાભાઈ હિંગોરા, સસરા મુસાભાઈ ઈબ્રાહીમભાઈ અને સાસુ ખતીજાબેન તથા ઇન્દ્રિસ મુસાભાઈ દ્વારા અવારનવાર શારીરિક તથા માનસિક દુઃખ-ત્રાસ આપ્યાની તથા મેણાટોણા મારવા મારવા સબબ મહિલા પોલીસ મથકમાં તમામ ચાર સાસરીયાઓ સામે સ્ત્રી અત્યાચારની જુદી જુદી કલમ હેઠળ ગુનો નોંધાયો છે.

દ્વારકામાં ચાર જુગારીઓ ઝડપાયા

દ્વારકાના ગાયત્રી મંદિર પાસેથી પોલીસે પીન્ટુ ગોવિંદભાઈ ગોદડીયા અને અજય દલસુખ કોરડીયાને તેમજ અન્ય એક દરોડામાં જલારામ સોસાયટી વિસ્તારમાંથી મનોજ ચનાભાઈ કોરડીયા અને દિનેશ મોહનભાઈ ઇન્દરિયાને ચલણી નોટોના નંબર ઉપર એક-બેકીનો જુગાર રમતા મુદામાલ સાથે ઝડપી લીધા હતા.