વિપક્ષી નગરસેવકે વધુમાં કહ્યું હતું કે, ૬ મહિના પહેલા રીવરફ્રન્ટના નામે મકાનોના ડીમોલીશન કર્યા, અમદાવાદમાં જ્યારે ડીમોલીશન કરવામાં આવે ત્યારે તેઓને મકાન ફાળવવામાં આવે, પરંતુ જામનગરમાં કોઇને પ્લોટ કે મકાન ફાળવવામાં આવ્યા નથી, ટીપી રોડ કાઢ્યા બાદ જે કાર્યવાહી થવી જોઇએ, તે થઇ નથી. આ ઉપરાંત સરકારની ગાઇડલાઇન મુજબ ગેરકાયદેસર મકાનોની સામે કાર્યવાહી થાય તે યોગ્ય છે, પરંતુ તેઓને પણ મકાન મળવા જોઇએ. જામનગરમાં રમત ગમતનું મેદાન નથી, કેન્દ્ર લેવલે ફૂટબોલર મેસ્સી માટે કરોડો રૂપિયાનો ખર્ચો કર્યો છે, ત્યારે જામનગરમાં શા માટે ક્રિકેટનું મેદાન નથી, હાપા માર્કેટીંગ યાર્ડ પાસે આવેલા જુગનુ ક્રિકેટ મેદાનને આધુનિક રીતે વિકસાવવાની માંગણી છે ત્યારે સ્થાનિક યુવાનોને પ્રોત્સાહન મળે તે પણ જરૂરી છે. બેઘર થયેલા લોકોને તાત્કાલિક આવાસ ફાળવવા અને પીએમજેએવાય યોજનામાં જે ભ્રષ્ટાચાર થયો છે તેવા ડોકટરો અને સંચાલકો સામે પગલા લેવા ઉગ્ર માંગણી કરી છે. ​​​​​​​