ગુજરાત રાજ્યમાં કોરોનાના કેસ ફરી મળવા લાગ્યા છે ત્યારે રાજકોટ શહેરમાં પણ કોરોનાની એન્ટ્રી થઈ ચૂકી છે અને મહાનગરપાલિકા તંત્ર કામે લાગી ગયું છે.

વિશેષમાં રાજકોટ મહાપાલિકાની આરોગ્ય શાખાના સૂત્રોમાંથી જાણવા મળતી વિગતો મુજબ રાજકોટ શહેરમાં મોટા મવા અને મવડી વચ્ચે આવેલા ન્યુ ઓમ નગર વિસ્તારમાંથી કોરોનાનો એક પોઝિટિવ કેસ મળ્યો છે, દર્દી પુરુષ છે અને તેની ફોરેન ટ્રાવેલ હિસ્ટ્રી છે. હાલમાં સારવાર હેઠળ હોવાનું સૂત્રોએ જણાવ્યું હતું.

અત્રે ઉલ્લેખનીય છે કે ગુજરાત રાજ્યમાં એક જ દિવસમાં કોરોનાના કેસનો આંક વધીને બમણો થયો છે હાલની સ્થિતિએ સમગ્ર રાજ્યમાં કુલ ૧૩ કેસ છે જેમાં અમદાવાદમાં ૧૨ કેસ અને રાજકોટ શહેરમાં એક કેસ છે. હાલમાં કોરોનાના જે કેસ મળી રહ્યા છે તેમાં મોટાભાગના ઓમી ક્રોન વેરીએન્ટના હોવાનું જાણવા મળે છે તેમજ આ પ્રકારનો કોરોના માઈલ્ડ હોવાથી દર્દીઓ હોમાય સોલેટ રહેવાથી જ સાજા થઈ જાય છે તેથી રાજ્ય સરકાર દ્વારા હાલ નવી કોઈ સૂચના જાહેર કરવામાં આવી નથી.