રાજકોટમાં ગઇકાલે TAT 2ની પરીક્ષા યોજાઇ હતી. જેમાંથી એક પરીક્ષાર્થી ગેરરીતિ કરતા ઝડપાયો હતો. જેની સામે કોપીકેસ કરવામાં આવ્યો હતો.  

વિગત અનુસાર, ગઇકાલે સૌરાષ્ટ્રના 10065 ઉમેદવારોએ ધો.11-12માં શિક્ષક બનવા માટે TAT 2ની પરીક્ષા આપી હતી. ત્યારે રાજકોટ શહેરની સેન્ટ મેરી સ્કૂલમાં ભાવનગર જિલ્લાનો ઉમેદવાર સામત ચાવડા પર કોપીકેસ કરવામાં આવ્યો છે. આ ઉમેદવારનો મુખ્ય વિષય વ્યાયામ અને યોગ હતો. ચાલુ પરીક્ષામાં ઉમેદવાર પુસ્તકના પેઇજમાંથી લખતો હોવાનું સીસીટીવી ફૂટેજમાં નજરે પડ્યું હતું. જેને લઇને ઉમેદવાર સામે કોપીકેસ કરવામાં આવ્યો છે.