હનુમાનજીને દાસ તરીકે દર્શાવવાના મામલે રાજ્યભરમાં વિરોધ થઈ રહ્યો છે. ત્યારે રાજકોટના વકીલ દ્વારા નોટિસ ફટકારવામાં આવી છે. રામ ભક્ત હનુમાનજીના વિવાદિત મૂર્તિ પોસ્ટર તેમજ યુ ટ્યુબમાં ભગવાન શંકર તથા માતા પાર્વતીના અપમાનજનક એપિસોડથી હિન્દુ સનાતન ધર્મનું અપમાન તેમજ હિન્દુ ધર્મના લોકોની લાગણીને ઠેસ પહોંચાડવા બાબતે લીગલ નોટિસ ફટકારવામાં આવી છે. કષ્ટભંજન દેવ હનુમાનજી મંદિર સાળંગપુર, સ્વામિનારાયણ મંદિર કુંડળધામ, બીએપીએસ સ્વામિનારાયણ મંદિર કાલાવડ રોડ, સ્વામિનારાયણ મંદિર વડતાલ, સ્વામિનારાયણ મંદિર નીલકંઠ ધામ પોઇચા સહિતનાને નોટિસ ફટકારવામાં આવી છે. રાજકોટના એડવોકેટ રવિ રાઠોડ દ્વારા આ નોટિસ ફટકારવામાં આવી છે.