જામજોધપુર જિલ્લાના સીદસર પાસેના ઉમિયા સાગર ડેમના ઉપરવાસમાં સતત પાણીની આવક ચાલુ છે. ડેમના બે દરવાજા 0.30 મીટર ખોલવામાં આવ્યા છે. જેને લઈને હેઠવાસના વિસ્તારને એલર્ટ કરી દેવામાં આવ્યા છે.

જામજોધપુર જિલ્લાના સીદસર પાસેના ઉમિયા સાગર ડેમના ઉપરવાસમાં સતત પાણીની આવક ચાલુ હોવાથી પાણીનું રુલ લેવલ જાળવવા ડેમના બે દરવાજા 0.30 મીટર ખોલવામાં આવ્યા છે. આથી ડેમના હેઠવાસ વિસ્તારમાં આવેલા ઉપલેટા તાલુકાના હરિયાસણ, ખારચીયા, ચરેલીયા, રાજપરા અને રબારીકા ગામના લોકોને નદીના પટમાં અવરજવર ન કરવા, માલ મિલકત તથા ઢોર-ઢાંખરને ન લઈ જવા તથા સાવચેત રહેવા જામનગર સિંચાઈ વિભાગના કાર્યપાલક ઇજનેરની યાદીમાં જણાવાયું છે.