કોંગ્રેસ નેતા અને મધ્યપ્રદેશના પૂર્વ મુખ્ય પ્રધાન દિગ્વિજય સિંહની કારે ગુરુવારે એક બાઇક સવારને ટક્કર મારી હતી. ટક્કર બાદ બાઈક સવાર ઘણો દૂર જઈને પડી ગયો હતો. તેને માથામાં ગંભીર ઈજાઓ થઈ છે. ઘટના મધ્યપ્રદેશના રાજગઢની છે. અકસ્માત બાદ દિગ્વિજય સિંહ તરત જ કારમાંથી નીચે ઉતર્યા હતા અને યુવકને નજીકની હોસ્પિટલમાં સારવાર અર્થે લઈ ગયા હતા.

#accidente #BREAKING
Terrible accident in former chief minister's car. #MadhyaPradesh 's former chief minister and veteran Congress leader #DigVijaySingh 's car hit a bike.The bike driver fell to the ground after being hit.#Rajgarh incident.
Bike driver was Hospitalized.#CCTV pic.twitter.com/v1OVWG5woK

— Kaustuva Ranjan Gupta (@GuptaKaustuva) March 10, 2023

 ઘટના બાદ દિગ્વિજય સિંહ પોતાની કાર લઈને હોસ્પિટલ પહોંચ્યા અને યુવકને દાખલ કરાવ્યો. ઝીરાપુરમાં પ્રાથમિક સારવાર બાદ યુવકને ભોપાલ રિફર કરવામાં આવ્યો છે. આ ઘટના અંગે દિગ્વિજય સિંહે કહ્યું કે તેઓ ઘાયલની સારવાર માટે સંપૂર્ણ વ્યવસ્થા કરશે.

મળતી માહિતી મુજબ ઘાયલ યુવકની ઓળખ 28 વર્ષીય બબલુ તરીકે થઈ છે. ઝીરાપુરમાં સારવાર બાદ બબલુને વધુ સારવાર માટે ભોપાલ રિફર કરવામાં આવ્યો હતો. અકસ્માતની સમગ્ર ઘટના સીસીટીવી ફૂટેજમાં કેદ થઈ છે. જેનો વીડિયો પણ સામે આવ્યો હતો. આ વીડિયોમાં સ્પષ્ટ દેખાઈ રહ્યું છે કે, બાઇક સવારે વળાંક વળવા માટે અચાનક તેની બાઇક ફેરવી અને ત્યાંથી પૂરપાટ ઝડપે આવી રહેલી દિગ્વિજય સિંહની કારે તેને ટક્કર મારી

પત્રકારો સાથે વાત કરતાં દિગ્વિજય સિંહે કહ્યું, ‘હું તમામ વ્યવસ્થા જોઈ રહ્યો છું અને તેને હોસ્પિટલ લઈ ગયો છું. જ્યારે, પોલીસે જે કારથી અકસ્માત સર્જાયો હતો તે કાર તપાસ અર્થે કબજે રીર્યું છે અને દિગ્વિજય સિંહના ડ્રાઇવર વિરુદ્ધ કેસ નોંધ્યો છે.