ગુજરાત વિધાનસભામાં આજે પ્રશ્નોત્તરી દરમિયાન વાઇબ્રન્ટ સમિટ માં થતા એમઓયુ માત્ર જમીન મેળવવા માટે કરાતા હોવાનું આક્ષેપ કોંગ્રેસ દ્વારા કરવામાં આવ્યો હતો જેના જવાબમાં બલવંતસિંહ રાજપૂતે જણાવ્યું હતું કે 4 હજાર કરોડથી વધુના રોકાણ પર જ જમીન અપાય છે.આ સિવાય ઉદ્યોગોને વીજળી, સ્ટેમ્પ ડ્યૂટીના ઈન્સેન્ટિવ અપાય છે.

કોંગ્રેસના ધારાસભ્ય શૈલેશ પરમાર દ્વારા 10 મી વાયબ્રન્ટ સમિટ પૂર્વે થયેલા એમોયુ ની વિગતો માંગવામાં આવી હતી જેના જવાબમાં ઉદ્યોગ મંત્રી બલવંતસિંહ રાજપૂતે જણાવ્યું હતું કે 10 ની વાઇબ્રન્ટ ગુજરાત ગ્લોબલ સમિટ પૂર્વે કુલ 55,860 પ્રોજેક્ટમાં 9 45 158.68 કરોડના એમઓયુ થયા હતા. આ સૂચિત રોકાણો સંદર્ભે ગુજરાત સરકાર વિગતો વિધાનસભા ગૃહમાં આપી હતી.

વાઇબ્રન્ટ સમિટ દરમિયાન થયેલા એમોયુ માં હાલની સ્થિતિએ 13051 પ્રોજેક્ટ પ્રાથમિક તબક્કામાં છે. ‘વાઈબ્રન્ટ ગુજરાતમાં 32801 પ્રોજેક્ટ કમિશનીગ થયેલ છે. જેમાં 35 હજાર કરોડનું રોકાણ ધોલેરામાં થયું છે. ટાટા 1 લાખ કરોડનું રોકાણ કરી રહી છે. આગામી જૂન સુધીમાં ધોલેરા એક્સપ્રેસ વે શરૂ થશે તેમજ એક્સપ્રેસ વેની સમાંતર ટ્રેન ચાલશે.આ સાથે અદ્યતન એરપોર્ટ પણ બની રહ્યું છે.સરકાર જમીન સંપાદિત નથી કરતી આ જમીનો પણ વિવિધ પ્રોજેક્ટની કામગીરી પણ થઈ રહી છે.