જામનગર જિલ્લા જનતાદળ યુનાઇટેડનાં પ્રમુખે કરી રજુઆત

દેવભૂમિ દ્વારકા જિલ્લાનાં પર્યટન સ્થળ શિવરાજપુર બીચ ઉપર ઘણાં સમયથી વિકાસના કામો થઇ રહ્યા છે. આ બીચને બ્લુ ફલેગનું બિ‚દ મળ્યું છે. છતાં પણ આ બીચ ઉપર પૂરતી વ્યવસ્થા નથી.
પ્રવાસીઓ બીચ ઉપર છાંયામાં બેસી શકે તેવી છત્રીઓ (ગજીબો) પુરતી સંખ્યામાં નથી. બીચ ઉપર પીવાના પાણીની સુવિધા નથી, જેથી પ્રવાસીઓને નાછુટકે મોંઘાભાવની પાણીની બોટલો ખરીદવી પડે છે.
પ્રવાસીઓ માટે દરિયા કિનારે સ્નાન કરતા હોય ત્યારે કોઇ દુર્ઘટના કે અકસ્માત થાય તો સુરક્ષા માટે પણ પૂરતી વ્યવસ્થા નથી.
જામનગર જિલ્લા જનતાદળ (યુનાઇટેડ)નાં પ્રમુખ મયુરભાઇ માડમે શિવરાજપુર બીચ ઉપર તમામ સુવિધાઓ ઉપલબ્ધ કરાવવા માંગણી કરી છે.