જામનગરના મોટી ખાવડી ગામથી આગળ રાત્રીના અકસ્માત સર્જાતા જામનગરના વેપારીનું કરુણ મૃત્યુ થયુ હતું, આ બનાવમાં બેદરકારી પુર્વક ટ્રક પાર્ક કરનાર ચાલક સામે પોલીસ ફરીયાદ નોંધાવવામાં આવી છે.
જામનગરના વેપારી વિજયભાઇ દુબલ પોતાની ભોગવટાની બલેનો કાર નં. જીજે૧૦ડીજે-૬૧૮૨ લઇને તા. ૧૨ના ખંભાળીયાથી જામનગર તરફ આવતા હતા ત્યારે મોટી ખાવડીથી આગળ જામનગર તરફ રોડ પર પહોચતા આરોપીએ પોતાની ટ્રક નં. જીજે૧૦ટીવાય-૧૧૯૯ રોડ પાસે બેદરકારીપુર્વક પાર્ક કરીને જતા રહયા હોય દરમ્યાન ફરીયાદીના પિતા ફોરવ્હીલ ગાડી લઇ આવતા ટ્રકની પાછળના ભાગે ભટકાઇ જતા વિજયભાઇને ગંભીર ઇજા થતા મૃત્યુ નિપજયુ હતું. આ બનાવ અંગે મૃતકના પુત્ર રજપુતપરા શેરી નં. ૩માં રહેતા પ્રિયમ વિજયભાઇ દુબલએ ગઇકાલે મેઘપર પડાણા પોલીસમાં ટ્રકના ચાલક સામે ફરીયાદ નોંધાવી હતી.