જોડિયાના હડીયાણા ગામ પાસે ગઇકાલે ટ્રક-ટેન્કરના ચાલકે બેદરકારીથી ચલાવી બાઇકને હડફેટે લેતા એક યુવાનનું મૃત્યુ નિપજયુ હતું, આ બનાવમાં ટેન્કરચાલક સમે ફરીયાદ કરવામાં આવી છે.
જોડિયા તાલુકાના હડીયાણા ગામમાં રહેતા બાબુલાલ છગનભાઇ નકુમ (ઉ.વ.૩૬) એ ગઇકાલે જોડીયા પોલીસમાં ટેન્કર-ટ્રક ગાડી નં. જીએચ૧૨બીએકસ-૩૨૦૧ના ચાલક દિનેશકુમાર રામજીવનની વિરુઘ્ધ ફરીયાદ કરી હતી. ફરીયાદીના કાકા તરશીભાઇ પોતાનું બાઇક નં. જીજે૧૦એએસ-૬૮૪૧ લઇને ગઇકાલે હડીયાણા પેટ્રોલપંપ સામેના રોડ પરથી પસાર થતા હતા ત્યારે ટેન્કરચાલકે પુરઝડપે અને બેફીકરાઇથી ચલાવી બાઇકને હડફેટે લેતા તરશીભાઇને માથાના ભાગે ગંભીર ઇજા કરી મોત નિપજાવ્યુ હતું, ફરીયાદના આધારે પોલીસે ટેન્કરચાલકની અટક કરવા કાર્યવાહી આગળ ધપાવી છે.