રાજકોટમાં ટીઆરપી ગેમ ઝોનમાં અગ્નિકાંડની ઘટના બન્યા બાદ ફાયર વિભાગ કડક બન્યું છે અને નિયમોની કડક અમલવારી કરવામાં આવી રહી છે. ત્યારે શહેરના રોલેક્ષ રોડ પર આવેલા લીલાવંતી કોમ્યુનિટી હોલને ફાયર સેફટી અંગેની સિસ્ટમ અને બીયુની પરમિશન નહીં હોવાથી કોર્પેારેશન દ્રારા આ હોલને સીલ કરી દેવાયો હતો. પરંતુ હોલના પાછળના દરવાજાને ખોલી તેનો ઉપયોગ શ કરાતા હોલના માલિક અને બુકિંગ સાથે સંકળાયેલી મહિલા વિદ્ધ રાજકોટ ફાયર સ્ટેશન ઓફિસર દ્રારા આજીડેમ પોલીસ સ્ટેશનમાં ફરિયાદ નોંધાવવામાં આવી છે.


જાણવા મળતી વિગતો મુજબ, રાજકોટમાં થયેલા અિકાંડની ઘટનાના પગલે હોસ્પિટલો, જુદી–જુદી ઇમારતો, ટુશન કલાસીસ, મોલ, શોપિંગ કોમ્પલેક્ષ, સિનેમા ગ્રુહ, ધાર્મિક સ્થળો, વોટરપાર્ક સહિતની જગ્યાઓ યાં મોટી સંખ્યામાં લોકો એકત્રિત થતા હોય અને ફાયર એનઓસી ન હોય તેવી મિલકતોને મનપા દ્રારા હાલ સીલ કરવામાં આવી રહી છે. આ કામગીરી અંતર્ગત મ્યુનિસિપલ કમિશનરે બનાવેલી ટીમ દ્રારા ગત તારીખ ૬ ના રોજ રોલેક્ષ રોડ પર આવેલી લીલાવંતી કોમ્યુનિટી હોલમાં તપાસ કરવામાં આવી હતી તે વખતે ફાયર સેટી અંગેની સિસ્ટમ, બીયુ પરમિશન અને ફાયર એનઓસી નહીં હોવાનું માલુમ પડતાં હોલને સીલ કરી દેવામાં આવ્યો હતો જે અંગે હોલના માલિક હર્ષદ પ્રતાપરા સગર અને હોલના બુકિંગનું કામ સંભાળતા માધવીબેન એચ. તન્નાને જાણ કરી સીલીંગના કાગળો પર સહી પણ લેવામાં આવી હતી.
દરમિયાન લીલાવંતી હોલમાં પ્રસંગની તૈયારી માટે માણસો ભેગા થયાનું જાણવા મળતા મનપાના વોર્ડનો સ્ટાફ અહીં પહોંચી તપાસ કરતા હોલની પાછળની શેરીમાં આવેલો ગેટ ખુલો જોવા મળ્યો હતો. યાં માણસો પણ હાજર હતા. વધુ તપાસ કરતા હોલની પાછળના બંને ગેટના તાળા અંદરથી ખોલી નાખ્યાનું જાણવા મળતા આ અંગે કોઠારીયા રોડ પરના ફાયર સ્ટેશન ઓફિસર અમિતભાઈ કનકાઈ દવે દ્રારા આજીડેમ પોલીસ મથકમાં હોલના માલિક હર્ષદ પ્રતાપભાઈ સગર અને બુકિંગ સ્ટાફ માધવી એચ. તન્ના વિદ્ધ ફરિયાદ નોંધાવતા પોલીસે બંને સામે આઇપીસીની કલમ ૩૩૬,૧૧૪ મુજબ ગુનો દાખલ કરી જરી કાર્યવાહી કરી હતી.