બેટ દ્વારકામાં આવેલા સુદર્શન સેતુ પર મોટરસાયકલ મારફતે જઈ રહેલા બાલાપર ગામના રહીશ આલીભાઈ મામદભાઈ સંઘાર (ઉ.વ. 35) તથા તેમની પાછળ બેઠેલા ઓસમાનભાઈ કાસમભાઈ સેતાના મોટરસાયકલ સાથે પૂરઝડપે અને ગફલતભરી રીતે આવી રહેલા આર.જે. 27 ટી.એ. 3863 નંબરના ટેમ્પો ટ્રાવેલ્સ વાહનના ચાલકે ધડાકાભેર અકસ્માત સર્જ્યો હતો. જેના કારણે બાઇક સવાર બને યુવાનોને નાની મોટી ઈજાઓ સાથે હોસ્પિટલમાં સારવાર આપવામાં આવી હતી. આ અંગે ઓખા મરીન પોલીસે આલીભાઈ સંઘારની ફરિયાદ પરથી રાજસ્થાન પાસિંગની ટેમ્પો ટ્રાવેલ્સના ચાલક સામે આઈ.પી.સી. કલમ 279, 337, 338 તથા એમ.વી. એક્ટની કલમ હેઠળ ગુનો નોંધ્યો છે.