ખંભાળીયામાં આધેડ ઉંમરના બાઇકચાલકને  ચાલુ બાઈકએ ચક્કર આવતા થાંભલા સાથે માથું ભટકાતા માથામાંથી લોહી નીકળવા લાગેલ હોય જેથી તાત્કાલિક સારવાર અર્થે  પોલીસ વાહનમાં જિલ્લા ટ્રાફિક શાખા દેવભૂમિ દ્વારકા દ્વારા સરકારી હોસ્પિટલમાં ખસેડવામાં આવ્યા હતા.

જિલ્લા ટ્રાફિક શાખાના પીએસઆઇ વી. એમ. સોલંકી તથા સાથેના ટ્રાફિક પોલીસ ખંભાળિયા મિલન ચાર રસ્તા ખાતે ટ્રાફિક ફરજ પર હતા, દરમિયાન સલાયા ફાટક તરફથી એક આધેડ ઉંમરના બાઇક ચાલક  ધનાભાઈ રણમલભાઈ મકવાણા રહે  હંસ્થળ વાળાને ચાલુ બાઈકે કોઈ કારણોસર ચક્કર આવતા બાઇકચાલક થાંભલા સાથે ભટકાતા નીચે પડી ગયા હતા.

માથામાંથી એકદમ લોહી નીકળવા લાગેલ હોય જેથી ફરજ પરના પીએસઆઇ તથા સાથેના ટ્રાફિક પોલીસ સ્ટાફ દ્વારા સરકારી વાહનમાં તાત્કાલિક ખંભાળિયા સરકારી હોસ્પિટલ પહોંચાડવામાં આવેલ તેમજ ઈજા પામનારના સગાઓને જાણકારી હોસ્પિટલે બોલાવેલ તેમજ સરકારી હોસ્પિટલ ખંભાળિયા ફરજ પરના  ડોક્ટરે સારવાર આપી હતી, પોલીસની આ કામગીરી દર્દીઓના પરિવારજનોએ આભાર વ્યકત કર્યો હતો.