સદભાગ્યે જાનહાની ટળી

જામનગરના ઠેબા ગામ નજીક ગઈકાલે સાંજે સર્જાયેલા ગંભીર અકસ્માતમાં બે બોલેરો કાર સામસામે ધડાકાભેર અથડાઈ હતી. આ અકસ્માતમાં કોઈ જાનહાનિ થઈ હોય તેવું પ્રાથમિક તપાસમાં સામે આવ્યું નથી, જે એક રાહતની વાત છે.

જો કે, અકસ્માતમાં બંને વાહનોને નુકસાન થયું છે. ઘટનાની જાણ થતાં જ સ્થાનિક પોલીસ ઘટનાસ્થળે પહોંચી હતી, અને વધુ તપાસ શરૂ કરી છે. જોકે, સદનસીબે કોઈને ગંભીર ઈજા પહોંચી ન હોવાનું જાણવા મળ્યું છે.

પોલીસે સ્થળ પર પહોંચીને અકસ્માતના કારણો શોધવાની કામગીરી હાથ ધરી છે. પ્રાથમિક તપાસમાં એવું જણાતું હતું કે, અતિવેગે વાહન ચલાવવાના કારણે આ અકસ્માત સર્જાયો હોય. આ અકસ્માતથી આ વિસ્તારમાં થોડા સમય માટે વાહન વ્યવહાર ખોરવાઈ ગયો હતો. પોલીસે વાહન વ્યવહાર પુનઃ શરૂ કરવા માટે તાત્કાલિક પગલાં લીધા હતા.