સૌરાષ્ટ્ર્ર યુનિવર્સિટી સંલ કોલેજોમાં વિધાર્થીઓની સંખ્યા,શૈક્ષણિક અને બિન શૈક્ષણિક સ્ટાફની સંખ્યા, આવા કર્મચારીઓ અને અધ્યાપકોની શૈક્ષણિક લાયકાત, તેમને ચૂકવવામાં આવતા પગાર સહિતની જીણામાં ઝીણી વિગતો સૌરાષ્ટ્ર્ર યુનિવર્સિટીને રજૂ કરવા માટે અવારનવાર તાકીદ કરવા છતાં સંખ્યાબધં કોલેજોએ હજુ આવી માહિતી આપવા માટેની દરકાર કરી નથી. સૌરાષ્ટ્ર્ર યુનિવર્સિટીએ આ માટેની મુદતમાં બે વખત વધારો કરવા છતાં તેનું કોઈ પરિણામ ન આવતા હવે ત્રીજી વખત મુદતમાં વધારો કરવામાં આવ્યો છે.
સૌરાષ્ટ્ર્ર યુનિવર્સિટીના સતાવાર સાધનોના જણાવ્યા મુજબ તારીખ ૧૦ ફેબ્રુઆરી પછી આવી મુદતમાં કોઈ વધારો કરવામાં નહીં આવે અને નિયત સમય મર્યાદામાં તો કોઈ કોલેજ યુનિવર્સિટી દ્રારા માગવામાં આવેલી માહિતી પૂરેપૂરી નહીં આપે તો તેની સામે આખરી કાર્યવાહી કરવામાં આવશે.
સૌરાષ્ટ્ર્ર યુનિવર્સિટી સંલ કોલેજોમાં પ્રથમ સેમેસ્ટર પૂં થઈ ગયું છે અને હજુ થોડા સમય પહેલા જ પોર્ટલમાં એડમિશનની કાર્યવાહી પૂરી થઈ ગઈ છે. એનરોલમેન્ટ અને એનલીસ્ટમેન્ટની કામગીરી હજુ બાકી છે અને તે નજીકના ભવિષ્યમાં પૂરી થશે તેમ લાગે છે. જો કે કોલેજો તરફથી તેમના સ્ટાફ, શૈક્ષણિક લાયકાત, પગાર સહિતની બાબતોમાં હજુ માહિતી પૂરી પાડવામાં આવતી ન હોવાથી યુનિવર્સિટી નું તત્રં ગોટે ચડી ગયું છે. સૌરાષ્ટ્ર્ર યુનિવર્સિટીને કોલેજો તરફથી માહિતી મળ્યા પછી આવી માહિતી ગુજરાત સરકારના ઉચ્ચ શિક્ષણ વિભાગમાં મોકલવામાં આવશે અને ત્યાર પછી ભવિષ્યમાં નવી શિક્ષણ નીતિ અને શિક્ષણ જગતને લગતા નિર્ણયોમાં તેનો ઉપયોગ કરવામાં આવશે.
શૈક્ષણિક વર્ષ ૨૦૨૫–૨૦૨૬ માં પ્રવેશ પ્રક્રિયા 'જીકાસ' પોર્ટલ મારફત કરવા કોલેજની અધતન માહિતી આપવાની અંતિમ તારીખ ૩૧ જાન્યુઆરી નિર્ધારિત હતી. જે લંબાવીને ૦૫ ફેબ્રુઆરી કરવામાં આવી હતી. આમ છતાં કોલેજ–યુનિવર્સીટી કક્ષાએ કરવાની થતી કામગીરી હજુ બાકી હોઇ તેમની વિનંતીને તથા વિધાર્થીઓના હિતને ધ્યાને લઇ અંતિમ તારીખ ૧૦ ફેબ્રુઆરી સુધી લંબાવવામાં આવે છે.
જો કોલેજો તરફથી હવે અંતિમ મુદતમાં માહિતી પૂરી પાડવામાં નહીં આવે તો તેમને દડં કરવાની સાથે સાથે વિધાર્થીઓની પરીક્ષા ને પણ અસર થાય તેવી શકયતા હોવાનું યુનિવર્સિટીના સૂત્રો જણાવે છે.
યુનિવર્સિટી સૂત્રોના જણાવ્યા મુજબ જીકાસ મારફત પ્રવેશ આપવાની પ્રક્રિયામાં આગામી નવા શૈક્ષણિક વર્ષથી મોટા ફેરફારો આવી રહ્યા છે અને તેમાં કોલેજોની ભૂમિકા મહત્વની છે. આ બાબતને ધ્યાનમાં રાખીને કોલેજો પાસેથી માહિતી માગવામાં આવે છે પરંતુ કોલેજો આવી માહિતી આપતી નથી અને ગાંધીનગરથી ઉચ્ચ શિક્ષણ વિભાગ સતત ઉઘરાણી કરે છે.