ભારત અને પાકિસ્તાન વચ્ચે યુદ્ધવિરામની જાહેરાત થયાના ગણતરીના કલાકોમાં જ પાકિસ્તાને ફરી પોતાની નાપાક હરકતો શરૂ કરી દીધી છે. જમ્મુ-કાશ્મીરમાં ફરી એકવાર ડ્રોન હુમલા અને ગોળીબારના અહેવાલો સામે આવ્યા છે. પાકિસ્તાને માત્ર ચાર કલાકમાં જ યુદ્ધવિરામનું ઉલ્લંઘન કરતાં સરહદ પર તણાવનું વાતાવરણ યથાવત રાખ્યું છે.

સૂત્રોના જણાવ્યા અનુસાર પાકિસ્તાની સેના દ્વારા જમ્મુ-કાશ્મીરના સરહદી વિસ્તારોમાં ફરીથી ડ્રોન દ્વારા હુમલાનો પ્રયાસ કરવામાં આવ્યો છે, અને સાથે સાથે ભારે ગોળીબાર પણ કરવામાં આવી રહ્યો છે. ભારતીય સુરક્ષા દળો આ હુમલાઓનો મક્કમતાથી જવાબ આપી રહ્યા છે.