શહેરના જિલ્લા ગાર્ડન ચોક નજીક રાત્રિના બે જૂથ વચ્ચે અથડામણ થયા બાદ સોડા બોટલોના ઘા કરવામાં આવ્યા હતા. બનાવના પગલે સમગ્ર વિસ્તારમાં ભયનો માહોલ જોવા મળ્યો હતો અને ટપોટપ દુકાનો બંધ થઈ ગઈ હતી. અથડામણની આ ઘટનામાં બે વ્યક્તિઓને ઈજા પહોંચી હતી જેમાં એકને સિવિલ હોસ્પિટલમાં દાખલ કરવામાં આવ્યો હતો. જૂની અદાવત સબબ ઘાંચીવાડમાં રહેતા અને દૂધસાગર રોડ પરના વિસ્તારમાં રહેતા આ જૂથ વચ્ચે અથડામણ થઈ હોવાનું જાણવા મળ્યું છે. જોકે આ મામલે હજુ સુધી કોઈ પોલીસ ફરિયાદ નોંધાવવામાં આવી નથી. એવું પણ ચર્ચાઇ રહ્યું છે કે બંને પક્ષો વચ્ચે સમાધાન થઈ ગયું છે.
જાણવા મળતી વિગતો મુજબ, પેડક રોડ પર રણછોડનગર મેઇન રોડ પર રહેતા તોફીક રફિકભાઈ મહતો(ઉ.વ 30) નામનો યુવાન રાત્રિના જિલ્લા ગાર્ડન ચોક નજીક હતો ત્યારે અહીં ધસી આવેલા હુસેન અને અરબાઝ ઉપરાંત અજાણ્યા શખસોએ ઝઘડો કરી સરાજાહેર સોડા બોટલોના છૂટા ઘા કર્યા હતા. બાદમાં ધોકા વડે હુમલો કર્યો હતો.આ હુમલામાં તોફીક અને તેના ભાઈ આકીબને ઇજા પહોંચતા ખાનગી બાદમાં સિવિલ હોસ્પિટલમાં ખસેડવામાં આવ્યા હતા. જ્યાં આકીબને પ્રાથમિક સારવાર આપી રજા આપી દેવાય હતી જ્યારે તોફીક સિવિલ હોસ્પિટલમાં દાખલ છે.
જિલ્લા ગાર્ડન ચોકમાં રાત્રિના થયેલી આ અથડામણના પગલે એ ડિવિઝન પોલીસ મથકનો સ્ટાફ તથા ક્રાઈમ બ્રાન્ચની ટીમ અહીં દોડી ગઈ હતી. જૂથ અથડામણના પગલે સમગ્ર વિસ્તારમાં ભયનો માહોલ ફેલાઈ જતા ટપોટપ દુકાનો બંધ થઈ ગઈ હતી. જૂની અદાવત સબબ આ હુમલો કરવામાં આવ્યો હોવાનું જાણવા મળ્યું છે. જોકે આ મામલે હજુ સુધી કોઈ પોલીસ ફરિયાદ નોંધાવવામાં આવી નથી. ત્યારે બંને પક્ષો વચ્ચે સમાધાન થઈ ગયું હોવાની ચર્ચાએ જોર પકડ્યું છે.
ફાયરિંગ થયાની પણ ચર્ચા
જિલ્લા ગાર્ડન ચોકમાં રાત્રિના બે જૂથ વચ્ચે અથડામણ બાદ સોડા બોટલના ઘા કરવામાં આવ્યા હતાં. આ ઘટનામાં ફાયરિંગ થયાની પણ ચર્ચાએ જોર પકડ્યું હતું. જોકે આ મામલે પોલીસે તપાસ કરતા ફાયરિંગ થયું હોવાની વાતને સમર્થન મળ્યું ન હતું.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationહીટવેવની અસર: ગુજરાતમાં શાળાઓના સમયમાં ફેરફારને મંજૂરી, શિક્ષણ મંત્રીનો મહત્વનો નિર્ણય
April 05, 2025 11:34 PMપેટ્રોલ-ડીઝલ સસ્તું થશે? ક્રૂડ ઓઈલના ઘટતા ભાવથી આશા જાગી, ટ્રમ્પની ટેરિફ નીતિની પણ થશે અસર
April 05, 2025 11:33 PMસોશિયલ મીડિયાની ઘેલછામાં યુવાનનો આપઘાત, સુરતમાં દુઃખદ ઘટના
April 05, 2025 11:30 PMવિદ્યાર્થીઓના નામ પાછળ હવે માતાનું નામ પણ લખી શકાશે, શિક્ષણ વિભાગનો મહત્વનો નિર્ણય
April 05, 2025 11:29 PMCopyright © 2023-2024 Aajkaal Daily
Developed by Rhythm Infotech