શહેરના પીલગાર્ડન નજીકથી દેશી બનાવટની પિસ્ટલ કિ.રૂ.૧૦,૦૦૦ નાં મુદ્દામાલ સાથે એક શખ્સને ભાવનગર, પેરોલ ફર્લો સ્કવોડએ ઝડપી લીધો હતો.  ભાવનગર પેરોલ ફર્લો સ્કવોડના પોલીસ સ્ટાફના માણસો ભાવનગર શહેર વિસ્તારમાં પેટ્રોલીંગમાં હતાં. તે દરમ્યાન પોલીસ સ્ટાફને બાતમીરાહે હકિકત મળેલ કે,  મયુર કાંતિભાઇ બારૈયા રહે.ચિત્રા, ભાવનગર તેના પેન્ટના નેફામાં ગેર કાયદેસર દેશી પિસ્ટલ જેવુ હથીયાર રાખી શહેરના એમ.કે.જમોડ સ્કુલ પાછળ, પીલગાર્ડન બગીચાના ગેઇટ પાસે જાહેરમાં ઉભો છે.  જે મળેલ બાતમી આધારે ગેરકાયદેસર પિસ્ટલ સાથે મયુર કાંતિભાઇ બારૈયા (ઉ.વ.૨૪ ધંધો.મજુરી રહે.મોરી ફળી, રામદેવ પેટ્રોલપંપની પાછળ, ચિત્રા, ભાવનગર)ને ઝડપી લઈ લોખંડની ધાતુની દેશી બનાવટની પિસ્ટલ કિ.રૂ.૧૦,૦૦૦ કબ્જે કરી હતી. આ કામગીરીમાં  પોલીસ ઇન્સ. એ.આર.વાળાના માર્ગદર્શન હેઠળ, પોલીસ ઇન્સ. પી.બી.જેબલીયા, સ્ટાફના બી.એસ.ચુડાસમા, ઇમ્તિયાઝખાન પઠાણ, ચંન્દ્રસિંહ વાળા, હારિતસિંહ ચૌહાણ, બળદેવભાઇ મકવાણા અને  અલ્ફાઝ વોરા સહિતના જોડાયા હતા.