એપલ હવે સ્માર્ટવોચ માર્કેટમાં વિશ્વની સૌથી મોટી કંપની નથી. ચીનની કંપની હ્યુઆવેઇએ આ ક્ષેત્રમાં એપલને પાછળ છોડી દીધું છે. ઈન્ટરનેશનલ ડેટા કોર્પેારેશનના તાજેતરના સંશોધનમાં જાણવા મળ્યું છે કે વેરેબલ ડિવાઈસ માર્કેટમાં ચીન મોખરે પહોંચી ગયું છે. ચીને આશરે ૨૦ ટકાના વાર્ષિક વૃદ્ધિ દર સાથે ૪૫.૮ મિલિયન યુનિટસ મોકલ્યા છે, જેમાં હ્યુઆવેઇ ટેકનોલોજીનો સૌથી મોટો હિસ્સો છે.
શિપિંગ વોલ્યુમ પર નજર કરીએ તો વર્ષ ૨૦૨૪ના પ્રથમથી ત્રીજા કવાર્ટરમાં, ચીની કંપનીએ ૨.૩૬ કરોડ યુનિટસ મોકલ્યા હતા. આ રીતે તે ૧૬.૯ ટકા બજાર હિસ્સો કબજે કરવામાં સફળ રહ્યો હતો. બીજી તરફ એપલ આ વર્ષના પ્રથમ ત્રણ કવાર્ટરમાં ૧૬.૨ ટકા બજાર હિસ્સા સાથે ૨૨.૫ મિલિયન યુનિટસ મોકલી શકે છે.
વાર્ષિક ધોરણે ફેરફાર પર નજર કરીએ તો, ૨૦૨૩ના પ્રથમ ત્રણ ત્રિમાસિક ગાળામાં, એપલએ ૧૮.૪ ટકા બજાર હિસ્સા સાથે ૨.૫૮ કરોડ યુનિટસ મોકલ્યા હતા. યારે હ્યુઆવેઇ આ સમયગાળા દરમિયાન ૧૧.૬ ટકા બજાર હિસ્સા સાથે માત્ર ૧.૬૩ કરોડ યુનિટ જ મોકલી શકી હતી. આ આધારે, તે સ્પષ્ટ્ર છે કે હ્યુઆવેઇનું વેચાણ ઘણું વધી ગયું છે, યારે એપલ તેનું વેચાણ જાળવી શકયું નથી.
અત્રે એ ઉલ્લેખ કરવો જરી છે કે વૈશ્વિક ટેક માર્કેટમાં એપલ અને હ્યુઆવેઇ વચ્ચે સ્પર્ધા છે. યારે અમેરિકાએ હ્યુઆવેઇની આયાત પર અનેક નિયંત્રણો લાધા ત્યારે આમાં વધારો થયો. આ કારણે તે અમેરિકાથી પ્રોડકટ આયાત કરી શકતી ન હતી. કંપનીએ આ પડકારને પાર કર્યેા અને હવે એપલને હરાવ્યું છે. એપલ માત્ર હ્યુઆવેઇ તરફથી પડકારનો સામનો કરી રહ્યું નથી. સેમસગં અને શાઓમી જેવી કંપનીઓ પણ વાર્ષિક ધોરણે તેમની વૃદ્ધિમાં એપલને પાછળ છોડી રહી છે. આનો અર્થ એ છે કે વાર્ષિક ધોરણે, આ કંપનીઓના શિપિંગમાં એપલની સરખામણીએ વધુ વધારો જોવા મળી રહ્યો છે.