મંગળવારે વિવાદિત દક્ષિણ ચીન સાગરમાં ચીન અને ફિલિપાઈન્સના કોસ્ટ ગાર્ડ જહાજો વચ્ચે ટકરાયાની ઘટના સર્જાઈ હતી. જેમાં ચાર ફિલિપાઈન ક્રૂ મેમ્બર ઘાયલ થયા હતા. દક્ષિણ ચીન સાગરમાં ચીનની દાદાગીરી આસિયાન દેશો માટે ચિંતાનું કારણ બની રહી છે.

એક દિવસ પહેલા, ઓસ્ટ્રેલિયામાં ચાલી રહેલી આસિયાન સમિટમાં, ફિલિપાઈન્સના પ્રમુખ માર્કોસ જુનિયરે જૂથના સભ્ય દેશોને બેઈજિંગના આક્રમક વલણના જવાબમાં એક થવા હાકલ કરી હતી. ફિલિપાઈન્સના અધિકારીઓએ જણાવ્યું હતું કે ચીનના કોસ્ટ ગાર્ડ જહાજો અને તેમની સાથેના જહાજ વિવાદિત સેકન્ડ થોમસ શોલ નજીક ફિલિપાઈન કોસ્ટ ગાર્ડ અને સપ્લાય જહાજોના માર્ગને અવરોધે છે.

ચીન કોસ્ટ ગાર્ડના જહાજોની ખતરનાક કાર્યવાહીને કારણે બંને દેશોના જહાજો અથડાયા હતા. ફિલિપાઇન્સ દ્વારા સંચાલિત સપ્લાય જહાજ પર બે ચીની કોસ્ટ ગાર્ડ જહાજો દ્વારા પાણીની તોપો વડે ગોળીબાર કરવામાં આવ્યો હતો. આ પગલાથી ચાર ફિલિપિનો ક્રૂ મેમ્બર ઘાયલ થયા હતા. ચાઈના કોસ્ટ ગાર્ડના પ્રવક્તાએ જણાવ્યું હતું કે ફિલિપાઈન્સના જહાજો ઈરાદાપૂર્વક ચીની જહાજો સાથે ટકરાયા હતા, જેના કારણે નજીવું નુકસાન થયું હતું.