કટની મુરવારા-બીના સેક્શન વચ્ચે ત્રીજી લાઇન માટે ચાલી રહેલા કામને કારણે, સોમનાથ-જબલપુર એક્સપ્રેસ ટ્રેન બદલાયેલા રૂટ પર દોડશે  પશ્ચિમ મધ્ય રેલવેના જબલપુર ડિવિઝનના કટની મુરવારા-બીના સેક્શન પર દમોહ સ્ટેશન પર ત્રીજી લાઇન પર ચાલી રહેલા નોન-ઇન્ટરલોકિંગ કામને કારણે, ૨૬ ઓગસ્ટથી ૧૩ સપ્ટેમ્બર, ૨૦૨૪ સુધી બ્લોક લેવામાં આવશે. આ બ્લોકને કારણે ભાવનગર ડિવિઝનમાંથી પસાર થતી સોમનાથ-જબલપુર એક્સપ્રેસ ટ્રેન બદલાયેલા રૂટ પર ચાલશે. ભાવનગર ડિવિઝનના સીનિયર ડીસીએમ  માશૂક અહમદના જણાવ્યા  ગાડી નંબર ૧૧૪૬૫ સોમનાથ  જબલપુર એક્સપ્રેસ (દ્વિ-સાપ્તાહિક) ૦૯ સપ્ટેમ્બર, ૨૦૨૪ ના રોજ શરૂ થનારી મુસાફરી માટે ભોપાલ, ઇટારસી અને જબલપુર સ્ટેશનના રસ્તા ડાયવર્ટ કરવામાં આવશે. ગાડી  નંબર ૧૧૪૬૬ જબલપુર  સોમનાથ એક્સપ્રેસ (દ્વિ-સાપ્તાહિક) ૨૬, ૩૦ ઓગસ્ટ અને ૦૨, ૦૬, ૦૯ અને ૧૩ સપ્ટેમ્બર, ૨૦૨૪ના રોજ શરૂ થનારી મુસાફરી માટે જબલપુર, ઇટારસી અને ભોપાલ સ્ટેશનના રસ્તા ડાયવર્ટ કરવામાં આવશે.