ઈનામો વડે બાળકોને પ્રોત્સાહિત કરાયા

કલ્યાણપુર તાલુકાના ભાટીયા ગામે તાજેતરમાં આર.એસ.પી.એલ. વેલ્ફેર ફાઉન્ડેશન (ઘડી ડિટર્જન્ટ ગ્રુપ) દ્વારા એલ.ડી.એ. શાળામાં નવરાત્રી પર્વની ઉજવણી કરવામાં આવી હતી. આ આયોજનમાં શાળાના 180 થી વધુ વિદ્યાર્થીઓ શિક્ષકો અને આર.એસ.પી.એલ. કંપનીના મેનેજમેન્ટના અધિકારીઓએ નવરાત્રી મહોત્સવની ધામધૂમપૂર્વક ઉજવણી કરી હતી.

આ પ્રસંગે બાળકોને પ્રોત્સાહિત કરવા માટે આકર્ષક કાર્યક્રમોનું પણ આયોજન કરવામાં આવ્યું હતું. જેમાં બેસ્ટ કોસ્ચ્યુમ અને બેસ્ટ પર્ફોમન્સ સહિતના જુદી જુદી કેટેગરીના ઈનામો પણ જાહેર કરવામાં આવ્યા હતા. ભાટિયાની લક્ષ્મીદેવી દયાળદાસ એકેડેમી શાળામાં વિદ્યાર્થીઓને શૈક્ષણિક જ્ઞાન આપવાની સાથે સાથે સામાજિક અને સાંસ્કૃતિક વિકાસ માટે પણ મહત્વની કામગીરી કરવામાં આવે છે. ત્યારે નવરાત્રી મહોત્સવ સહિતના સાંસ્કૃતિક ઉત્સવોની ઉજવણીને પણ મહત્વનો ભાગ ભજવી, બાળકોમાં આ પરંપરાગત જીવંત રાખવામાં આવે તેવો અભિગમ હાથ ધરવામાં આવ્યો હોવાનું શાળા મંડળ દ્વારા આ તકે જણાવાયું હતું.