કેશ ફોર ક્વેરી કેસમાં મહુઆ મોઇત્રાની મુશ્કેલીઓ વધી રહી છે. હવે CBIએ મોઇત્રાને મુખ્ય આરોપી બનાવી છે. મહુઆ મોઇત્રા પર પૈસા લીધા બાદ સવાલો પૂછવાનો આરોપ છે.

કેશ ફોર ક્વેરી કેસમાં ટીએમસી સાંસદ મહુઆ મોઇત્રાની મુશ્કેલીઓનો અંત આવવાના કોઈ સંકેત દેખાઈ રહ્યા નથી. મહુઆ મોઇત્રાની મુશ્કેલીઓ વધી રહી છે. CBIએ મહુઆ મોઇત્રાને મુખ્ય આરોપી બનાવી છે. આ ઉપરાંત દર્શન હિરાનંદાનીને પણ આરોપી બનાવવામાં આવ્યો છે. 

ગત રાત્રે તપાસ એજન્સીએ મહુઆ મોઇત્રાના પરિસરમાં દરોડા પાડ્યા હતા. સીબીઆઈએ કોલકાતા સહિત અનેક સ્થળોએ એક સાથે દરોડા પાડ્યા હતા. સીબીઆઈએ ગુરુવારે તેમની સામે નિયમિત કેસ નોંધ્યો હતો. દિલ્હીથી CBIની એક ટીમ દક્ષિણ કોલકાતાના અલીપોર વિસ્તારમાં મહુઆના પિતાના ફ્લેટ પર પહોંચી અને તેના ઘરની તલાશી લીધી.