ધુરંધર સ્ટાર રણવીર સિંહ ફરી એકવાર સમાચારમાં છે, પરંતુ આ વખતે કોઈ ફિલ્મ, રેડ કાર્પેટ લુક કે વિવાદ માટે નહીં, પરંતુ તેની નવી કાર માટે. રણવીર તાજેતરમાં મુંબઈના રસ્તાઓ પર તેની નવી સુપર મોંઘી ફેરારી ચલાવતો જોવા મળ્યો હતો, જેનો એક વીડિયો સોશિયલ મીડિયા પર ઝડપથી વાયરલ થઈ રહ્યો છે. સોશિયલ મીડિયા પર ફરતા વીડિયોમાં, રણવીર તેની નવી બ્લેક  ફેરારી ૨૯૬ જીટીબી ચલાવતો જોવા મળી રહ્યો છે. રસ્તા પર ટ્રાફિકને કારણે યારે રણવીર ધીમો પડી ગયો ત્યારે તે તેની નવી સ્પોટર્સ કાર સાથે કેમેરામાં કેદ થયો હતો.
અહેવાલ મુજબ, રણવીર સિંહે તાજેતરમાં જ કાળી ફેરારી ૨૯૬ જીટીબી  ખરીદી, જેની કિંમત અંદાજે ૬.૩૬ કરોડ હોવાનો અંદાજ છે. મુંબઈના રસ્તાઓ પર રણવીરની અદભુત કાળી લકઝરી સ્પોટર્સ કારે બધાનું ધ્યાન ખેંચ્યું. કાર ધીમી પડતાં જ લોકોએ તેને કેમેરામાં કેદ કરવાનું શ કરી દીધું. ત્યારબાદ અભિનેતાએ ગતિ પકડી અને ઝડપથી ભાગી ગયો, પરંતુ તેની નવી કાર ચોક્કસપણે ચર્ચાનો વિષય બની ગઈ છે.રણવીર સિંહ તાજેતરમાં 'ડોન ૩' વિવાદ માટે સમાચારમાં હતો. ૨૦૨૩ માટે ફિલ્મની જાહેરાત કરવામાં આવી હતી, જેમાં જાહેરાત કરવામાં આવી હતી કે રણવીર સિંહ એકશન–થ્રિલર ફ્રેન્ચાઇઝનો નવો ચહેરો હશે, અને ફરહાન અખ્તર તેના દિગ્દર્શક હશે. ફિલ્મમાં મુખ્ય અભિનેત્રી તરીકે કિયારા અડવાણીને પણ કાસ્ટ કરવામાં આવી હતી, પરંતુ તાજેતરમાં રણવીરે તે કરવાનો ઇનકાર કરતાં આ પ્રોજેકટ ફરીથી તપાસ હેઠળ આવ્યો. ત્યારબાદ આ મામલો ફેડરેશન ઓફ વેસ્ટર્ન ઇન્ડિયા સિને એમ્પ્લોયીઝ સુધી પહોંચ્યો, અને એસોસિએશને અભિનેતા સામે અસહકારનો આદેશ જારી કર્યેા. જોકે, બાદમાં આ આદેશ પાછો ખેંચી લેવામાં આવ્યો. કાર્યક્ષેત્રે, રણવીર સિંહ છેલ્લે ધુરંધર: ધ રીવેન્જ માં જોવા મળ્યો હતો, જે ૧૯ માર્ચે સિનેમાઘરોમાં રિલીઝ થઈ હતી અને બોકસ ઓફિસ પર સફળ રહી હતી. ધુરંધર નો પહેલો ભાગ ૫ ડિસેમ્બર, ૨૦૨૫ ના રોજ રિલીઝ થયો હતો અને તેણે રેકોર્ડ બોકસ ઓફિસ પર સફળતા પણ મેળવી હતી. આદિત્ય ધર દ્રારા દિગ્દર્શિત આ ફિલ્મમાં રણવીર સિંહ સાથે સંજય દત્ત, સારા અર્જુન, આર. માધવન, અર્જુન રામપાલ અને રાકેશ બેદી પણ હતા. ધુરંધર ૨ ની સફળતા પછી, રણવીર આગામી ફિલ્મ પ્રલય માં જોવા મળશે, જેનું નિર્દેશન હંસલ મહેતાના પુત્ર જય મહેતા કરી શકે છે. જોકે, આ પ્રોજેકટ વિશે હજુ સુધી કોઈ સત્તાવાર જાહેરાત કરવામાં આવી નથી