દહીંની મદદથી તૈયાર કરવામાં આવેલું પીણું કે જેને આપણે છાશ તરીકે ઓળખીએ છીએ જે શરીરને માત્ર ઠંડક જ નહીં પરંતુ ગરમીમાં પણ શરીરને હાઇડ્રેટ રાખે છે. કેટલાક લોકો માટે તે ફાયદાકારક નથી પણ નુકસાનકારક પણ હોઈ શકે છે

છાશની આડ અસરો

વિટામિન્સ અને ખનિજો ઉપરાંત, છાશમાં કેલ્શિયમ, પોટેશિયમ અને ફોસ્ફરસનો ભંડાર હોય છે. લેક્ટિક એસિડ અને સારા બેક્ટેરિયાથી ભરપૂર હોવાને કારણે તે તમારા સ્વાસ્થ્ય માટે ખૂબ જ ફાયદાકારક છે, પરંતુ શું તમે જાણો છો કે કેટલાક કિસ્સાઓમાં તેનું સેવન કરવાથી ફાયદો થવાને બદલે નુકસાન થાય છે.

સાંધાનો દુખાવો

જો તમે પણ વારંવાર સાંધાના દુખાવાની ફરિયાદ કરો છો, તો છાશનું સેવન ટાળવું વધુ સારું છે. તમને જણાવી દઈએ કે આર્થરાઈટિસથી લઈને સાંધા અને સ્નાયુઓના દુખાવાથી પીડિત લોકો માટે છાશનું પીવી જોઈએ નહી  , કારણ કે તે સાંધાના દુખાવા અથવા જકડાઈને વધુ વધારી શકે છે.

શરદી, ઉધરસ અને તાવ

શરદી, ઉધરસ અને તાવમાં પણ છાશનું સેવન ન કરવું જોઈએ. આ ઉપરાંત, ગળામાં ખરાશની સ્થિતિમાં છાશ પીવાનું ટાળવાની સલાહ આપવામાં આવે છે, કારણ કે તે સમસ્યાને વધુ વધારી શકે છે.

શુષ્ક ત્વચા

શુષ્ક ત્વચાથી પીડાતા લોકોએ પણ વધુ પડતી છાશ ન પીવી જોઈએ, કારણ કે તેમાં રહેલા એસિડ ત્વચા પર ખંજવાળ, બળતરા અથવા અન્ય સમસ્યાઓનું કારણ બની શકે છે. આ સિવાય ડેન્ડ્રફને રોકવા માટે પણ છાશનો ભરપૂર ઉપયોગ કરવામાં આવે છે, જે માથાની ચામડીને શુષ્ક બનાવીને વાળને નુકસાન પહોંચાડે છે.

હૃદયના દર્દીઓ

હૃદય સંબંધિત બીમારીઓથી પીડિત લોકો માટે પણ છાશનું સેવન સારું માનવામાં આવતું નથી. તેમાં વધુ સંતૃપ્ત ચરબી હોય છે, જે કોલેસ્ટ્રોલ લેવલને બગાડી શકે છે. આવી સ્થિતિમાં, જો તમને પહેલાથી જ ખરાબ કોલેસ્ટ્રોલની સમસ્યા છે, તો તેનું સેવન ટાળો.