બ્રાઝિલની ફેડરલ પોલીસે આરોપ લગાવ્યો છે કે ભૂતપૂર્વ રાષ્ટ્રપતિ જેયર બોલ્સોનારોએ તેમના કાર્યકાળ દરમિયાન 6.8 મિલિયન બ્રાઝિલિયન રીઅલ્સ (લગભગ 1.2 મિલિયન યુએસ ડોલર) ની કિંમતના દાગીનાની ઉચાપત કરી હતી.
બોલ્સોનારો પર ગયા અઠવાડિયે સાઉદી અરેબિયામાંથી લક્ઝરી જ્વેલરીના સંબંધમાં ઉચાપત, વેલ્થ લોન્ડરિંગ અને ગુનાહિત સંગઠનનો આરોપ મૂકવામાં આવ્યો હતો. આ તપાસથી તેણે 2030 સુધી પોતાના રાજકીય અધિકારો ગુમાવી દીધા છે. બોલ્સોનારોએ આરોપ પર હાલમાં કોઈ ટિપ્પણી કરી નથી, પરંતુ અગાઉ દાગીનાને સંડોવતા આરોપોને નકારી કાઢ્યા હતા.
પોલીસ અહેવાલમાં એવો આક્ષેપ કરવામાં આવ્યો છે કે ભૂતપૂર્વ રાષ્ટ્રપતિ જેયર બોલ્સોનારોના પદને કારણે પ્રાપ્ત થયેલી હાઇ વેલ્યુ ગિફ્ટ્સની ઉચાપત માટે એક ગુનાહિત સંગઠન હતું. જ્વેલરીમાં હીરા જડેલી રોલેક્સ અને પાટેક ફિલિપ ઘડિયાળો, નેકલેસ, વીંટી અને કફલિંક સહિતની અન્ય વસ્તુઓનો સમાવેશ થાય છે. અહેવાલમાં કહેવામાં આવ્યું છે કે આંતરરાષ્ટ્રીય પ્રવાસ દરમિયાન બોલ્સોનારો વતી કામ કરતા સરકારી કર્મચારીઓને કેટલીક ભેટો આપવામાં આવી હતી.
એસોસિએટેડ પ્રેસે તપાસના ઈનપુટ સાથેના બે સ્ત્રોતો દ્વારા આપવામાં આવેલી માહિતીના આધારે બોલ્સોનારોના આરોપ્ની જાણ કરી હતી, પરંતુ બ્રાઝિલની સુપ્રીમ કોર્ટ દ્વારા અહેવાલને અનસીલ કરવાથી આરોપો જાહેર થયા છે. બ્રાઝિલના પ્રોસીક્યુટર-જનરલ, પાઉલો ગોનેટ, પોલીસ રિપોર્ટનું વિશ્લેષણ કરશે અને નક્કી કરશે કે નેતાનું ટ્રાયલ લેવાશે કે નહિ. જો તે સાઉદી અરેબિયા તરફથી બ્રાઝિલ રાષ્ટ્રને ભેટ હોત તો આ જ્વેલરી ટેક્સ ફ્રી હોત, અને બોલ્સોનારોને પોતાના માટે રાખવા માટે નહીં પણ તેના બદલે, તે રાષ્ટ્રપતિના સંગ્રહમાં સમાવિષ્ટ થઈ ગઈ હોત.
પોલીસ અહેવાલમાં જણાવાયું છે કે બોલ્સોનારોના પરિવારને જવેલેરીના ગેરકાયદે વેચાણ દ્વારા મેળવેલ આવક પ્રાપ્ત થઈ હતી. આરોપો પ્રકાશમાં આવ્યા પછીના તેમના પ્રથમ જાહેર ભાષણ દરમિયાન, શનિવારે દક્ષિણ બ્રાઝિલમાં એક પરિષદમાં, 69 વર્ષીય ભૂતપૂર્વ આર્મી કેપ્ટને આ મુદ્દાને સંબોધ્યો ન હતો. પરંતુ તેમના વકીલોએ આ કેસમાં તેમજ તેની તપાસ હેઠળની અન્ય ક્રિયાઓમાં કોઈપણ ગેરરીતિનો ઇનકાર કર્યો હતો.
બોલ્સોનારોના સાથીઓમાંના એક ગણાતા આર્જેન્ટિનાના રાષ્ટ્રપતિ જાવિઅર મેલીએ બ્રાઝિલ પર ભૂતપૂર્વ રાષ્ટ્રપતિ વિરુદ્ધ કાનૂની અભિયાનને પ્રોત્સાહન આપવાનો આરોપ લગાવ્યો છે. સોમવારે અનસીલ કરાયેલ પોલીસ રિપોર્ટમાં બોલ્સોનારોના બે વકીલો, એક નિવૃત્ત આર્મી જનરલ અને તેમના વહીવટના ભૂતપૂર્વ ઉર્જા પ્રધાન સહિત 10 અન્ય લોકો પર આરોપ મૂકવામાં આવ્યો છે.