• ડિરેક્ટર અયાન મુજખરજીએ રાઇઝિંગ ઇન્ડિયા મંચ પર કરી જાહેરાત
• બ્રહ્માસ્ત્ર પાર્ટ વનને સિનેમાના બ્રહ્માંડનો પાયા બનાવવા માંગતો હતોઃ અયાન

રણાલિયાને એક સાથે ચમકાવતી ફિલ્મ બ્રહ્માસ્ત્રના નિર્માતા અને દિગ્દર્શક અયાન મુખરજીએ બુધવારે રાઇઝિંગ ઇન્ડિયા સમિટ 2023માં હાજરી આપી હતી. તેણે બ્રહ્માસ્ત્ર ભાગ 1ની સફળતા પછી આગળની યોજનાઓ વિશે માહિતી આપી હતી. અયાનએ મંચ પરથી જાહેરાત કરી હતી કે, બ્રહ્માસ્ત્ર ભાગ 2 અને બ્રહ્માસ્ત્ર ભાગ 3 એકસાથે બનાવવામાં આવશે અને શક્ય છે કે, આ ફિલ્મ ત્રણ વર્ષ પછી રિલીઝ થશે.

રાઈઝિંગ ઈન્ડિયા સમિટ 2023ના મંચ પર અયાન મુખરજીએ કહ્યું કે...

 રણબીર કપૂર બ્રહ્માસ્ત્ર માટે પરફેક્ટ હતો અને રણબીર કપૂર આ પેઢીનો શ્રેષ્ઠ અભિનેતા છે. જો તમે ફિલ્મ બ્રહ્માસ્ત્ર જોઈ હશે, તો તમને ખબર જ હશે કે, આ ફિલ્મ ખૂબ જ અલગ હતી અને મૂળ કોન્સેપ્ટ પર બનેલી ફિલ્મ હતી. તેણે કહ્યું કે, બ્રહ્માસ્ત્ર પાર્ટ વનને હું સિનેમાના બ્રહ્માંડનો પાયો બનાવવા માંગતો હતો. આ વાર્તા ભારતીય ઇતિહાસ અને આધ્યાત્મિકતાથી ભારે પ્રભાવિત છે.

અયાનએ એક સવાલના જવાબમાં કહ્યું કે....

 બ્રહ્માસ્ત્ર પાર્ટ 2 અને પાર્ટ 3 એકસાથે બનાવવામાં આવશે. જ્યારે અમે બ્રહ્માસ્ત્રનો ભાગ 1 બનાવી રહ્યા હતા, ત્યારે સ્ક્રિપ્ટ લખવામાં થોડો સમય લાગશે, તેની મને ખબર ન હતી. હું બ્રહ્માસ્ત્રનો આગળનો ભાગ સારી રીતે સમજીને બનાવીશ અને ફિલ્મ ત્રણ વર્ષ પછી આવશે. ગેમિંગ સિરીઝ સાથે ફિલ્મો બનાવવાના પ્રશ્ન પર તેણે કહ્યું કે હવે આ જ કરવાનું છે.

તેણે વધુમાં જણાવ્યુ કે...

 જ્યારે બાહુબલી ફિલ્મ રિલીઝ થઈ ત્યારે અમે બ્રહ્માસ્ત્ર પર કામ કરી રહ્યા હતા. શું કોવિડે તમારી યોજનાઓને અસ્વસ્થ કરી છે? આ સવાલના જવાબમાં અયાને કહ્યું કે, સાચું કહું તો કદાચ કોરોના અને લોકડાઉનને કારણે અમારી યોજના તકલીફ પડી હશે, પરંતુ તેણે બ્રહ્માસ્ત્ર પર કામ કરવા અને વિચારવા માટે વધુ સમય આપ્યો હતો.

તમારી ફિલ્મ બ્રહ્માસ્ત્રના પ્રોમોની વ્યાપક ટીકા થઈ હતી કે, તેણે શું બનાવ્યું છે? આના જવાબમાં અયાને કહ્યું કે, જ્યારે આ ફિલ્મ રિલીઝ થઈ ત્યારે ખૂબ જ સારા નંબર જોવા મળ્યા હતા. 2022 માં તે હિન્દી ફિલ્મ ઉદ્યોગની સૌથી મોટી ફિલ્મ સાબિત થઈ હતી.