સેન્ટ્રલ બોર્ડ ઓફ ડાયરેક્ટ ટેક્સીસ (સીબીડીટી ) એ ઇન્કમ ટેક્સ અપડેટેડ રિટર્ન ફોર્મ (આઈટીઆર-યુ ) સંબંધિત નવા ફોર્મને સૂચિત કર્યું છે. આ ફેરફાર બજેટ 2025માં પ્રસ્તાવિત સુધારાઓના ભાગ રૂપે કરવામાં આવ્યો છે. નવા નિયમો 1 એપ્રિલ, 2025 થી અમલમાં આવ્યા છે.

પહેલા 24 મહિનાની અંદર અપડેટેડ રિટર્ન ફાઇલ કરવાની મંજૂરી હતી

અત્યારસુધી, કરદાતાઓને સંબંધિત આકારણી વર્ષના અંત પછી ફક્ત 24 મહિનાની અંદર અપડેટેડ રિટર્ન ફાઇલ કરવાની મંજૂરી હતી. પરંતુ હવે આ સમયગાળો વધારીને 48 મહિના એટલે કે ચાર વર્ષ કરવામાં આવ્યો છે. આનો અર્થ એ થયો કે કરદાતાઓ હવે વધારાના બે વર્ષ સાથે તેમના રિટર્ન ફાઇલ કરી શકશે.

હવે ચિંતા કરવાની જરૂર નથી

જો તમે સમયસર તમારું આવકવેરા રિટર્ન ફાઇલ કર્યું નથી અથવા તમારી આવકમાં કોઈ ભૂલ થઈ છે, તો હવે ચિંતા કરવાની જરૂર નથી. આવકવેરા વિભાગે તેના માટે આઈટીઆર -યુ (અપડેટેડ રિટર્ન) નો વિકલ્પ આપ્યો છે. આ રિટર્ન એવા લોકો માટે છે જેમણે સમયસર આઈટીઆર ફાઇલ કર્યું નથી અથવા ભૂલો સાથે ફાઇલ કર્યું છે.

આઈટીઆર-યુ કોઈપણ વ્યક્તિ દ્વારા દાખલ કરી શકાય છે 

આઈટીઆર-યુ કોઈપણ વ્યક્તિ દ્વારા દાખલ કરી શકાય છે જેમણે પોતાની આવક યોગ્ય રીતે જણાવી નથી, સમયસર આવકવેરા રિટર્ન (આઈટીઆર ) ફાઇલ કર્યું નથી, આવકના ખોટા હેડ પસંદ કર્યા છે, ખોટો કર દર લાગુ કર્યો છે.

આઈટીઆર-યુ એ લોકો માટે એક મહત્વપૂર્ણ તક છે

આઈટીઆર-યુ એ લોકો માટે એક મહત્વપૂર્ણ તક છે જેઓ કોઈ કારણોસર સમયસર તેમનું આવકવેરા રિટર્ન (આઈટીઆર ) ફાઇલ કરી શક્યા નથી અથવા જેમણે રિટર્ન ફાઇલ કર્યું છે પરંતુ તેમાં કેટલીક ભૂલ છે. આવા કિસ્સાઓમાં, સરકાર કરદાતાઓને તેમના ટેક્સ ફાઇલિંગમાં સુધારો કરવા માટે વધારાની તક આપે છે. આઈટીઆર-યુ દ્વારા, તમે તમારા રિટર્નમાં સુધારો કરી શકો છો અને ભૂલો સુધારીને દંડ અથવા કાનૂની કાર્યવાહીથી બચી શકો છો. આ સિસ્ટમ પારદર્શિતાને પ્રોત્સાહન આપે છે અને કરદાતાઓને તેમની આવકનો સચોટ રીતે જવાબદારીપૂર્વક અહેવાલ આપવાની તક પૂરી પાડે છે.