દિલ્હી કેપિટલ્સ ટીમના ખેલાડી KL રાહુલ ગઈકાલે ઉજ્જૈન પહોંચ્યો હતો. IPL 2025ની શરૂઆત પહેલા તે મહાકાલ મંદિરમાં દર્શન કરવા માટે પહોંચ્યા હતા. જ્યાં તેણે ભગવાન શિવની પૂજા કરી અને આશીર્વાદ લીધા. આ વખતે તે IPLમાં નવી ટીમ માટે રમશે. તે ટૂંક સમયમાં પિતા પણ બનવાનો છે. તેમણે તેમની પત્ની અને બાળકના સારા સ્વાસ્થ્ય માટે પ્રાર્થના કરી.

કેએલ રાહુલ અગાઉ લખનઉ સુપર જાયન્ટ્સ અને પંજાબ કિંગ્સનું નેતૃત્વ કરી ચૂક્યા છે. આ વખતે દિલ્હી કેપિટલ્સે તેને હરાજીમાં 14 કરોડ રૂપિયામાં ખરીદ્યો. એવી અપેક્ષા હતી કે ટીમ તેમને કેપ્ટન બનાવશે પરંતુ ફ્રેન્ચાઇઝીએ અક્ષર પટેલને કમાન સોંપી દીધી છે. દિલ્હીની ઉપ કપ્તાની ફાફ ડુ પ્લેસિસને આપવામાં આવી છે. જોકે ઘણા અહેવાલોમાં ખુલાસો થયો હતો કે રાહુલ કેપ્ટનશીપ માટે પહેલી પસંદગી હતો પરંતુ તેમણે પોતે કહ્યું હતું કે તેઓ અક્ષર પટેલને કેપ્ટનશીપ આપશે.

મહાકાલ દર્શન બાદ કેએલ રાહુલ નંદી હોલ પહોંચ્યા

ભારતીય ક્રિકેટર કેએલ રાહુલ 17 માર્ચ, સોમવારના રોજ મહાકાલ મંદિરના દર્શન કરવા ગયો હતો. તેમણે ચાંદીના દરવાજા પાસેથી મહાદેવના દર્શન કર્યા. કપાળ પર તિલક લગાવ્યા પછી તેમણે આંકડાના ફૂલની માળા પહેરી. એ પછી તે નંદી પાસે પહોંચ્યો અને નંદીના કાનમાં પોતાની મનોકામના કહી.

કેએલ રાહુલ ટૂંક સમયમાં પિતા બનવાના છે. તેમની પત્ની આથિયા શેટ્ટી ગર્ભવતી છે. કેએલ રાહુલે પોતાના ભાવિ બાળક અને પત્ની માટે પણ ભગવાન શિવને પ્રાર્થના કરી હશે.

દિલ્હી કેપિટલ્સ ખેલાડીઓની યાદી 2025

અક્ષર પટેલ (કેપ્ટન), કરુણ નાયર, જેક ફ્રેઝર-મેકગર્ક, ફાફ ડુ પ્લેસિસ, ટ્રિસ્ટન સ્ટબ્સ, અભિષેક પોરેલ, ડોનોવન ફેરેરા, કેએલ રાહુલ, સમીર રિઝવી, આશુતોષ શર્મા, દર્શન નાલકંડે, અજય જાદવ મંડલ, વિપ્રજ નિગમ, મનવંત કુમાર એલ, ત્રિપુરાના વિજય, માધવ તિવારી, કુલદીપ યાદવ, દુષ્મન્થા ચમીરા, મિશેલ સ્ટાર્ક, મોહિત શર્મા, ટી નટરાજન, મુકેશ કુમાર.