મેકઅપ પ્રોડક્ટ્સ ખાવી ખતરનાક છે. 24 વર્ષીય તાઇવાનની બ્યુટી પ્રોડક્ટ્સ ઇન્ફ્લુઅન્સર ગુઆવા માટે આવા ઉત્પાદનો ખાવાનું જીવલેણ સાબિત થયું. ફૂડ પોઇઝનિંગને કારણે તેની હાલત વધુ ખરાબ થયા બાદ તેનું મૃત્યુ થયું. મેકઅપ પ્રોડક્ટ્સમાં આયર્ન ઓક્સાઇડ, બિસ્મથ ઓક્સીક્લોરાઇડ અને કેલ્શિયમ સિલિકેટ જેવા રસાયણો હોય છે. તેમને ગળી જવાથી સ્વાસ્થ્ય માટે નુકસાન થઈ શકે છે. આ યુટ્યુબર અને કન્ટેન્ટ ક્રિએટરના વીડિયો વિચિત્ર હતા. તે મેકઅપ પ્રોડક્ટ્સ ચાવતી વખતે વીડિયો બનાવતી હતી.

કેટલાકમાં તે કોટન પેડ ચાવતી જોવા મળી હતી

કેટલાક વીડિયોમાં, તે લિપસ્ટિક અથવા બ્લશ ચાવતી જોવા મળી હતી, અને કેટલાકમાં તે કોટન પેડ ચાવતી જોવા મળી હતી. એક વીડિયોમાં, તેણે જેલી જેવો બ્લશ ખાધું અને કહ્યું, તે ક્રિસ્પી છે, પરંતુ તેનો સ્વાદ ખૂબ જ ખરાબ છે. તેના કેટલાક ચાહકોને આ વીડિયો મનોરંજક લાગ્યા, જ્યારે કેટલાકને તેના સ્ટંટ ખતરનાક લાગ્યા. એક યુઝરે તેની પોસ્ટ પર લખ્યું, રસાયણો ખાવું કોઈ મજાક નથી. જો કોઈ બાળક વિડિઓથી પ્રભાવિત થાય છે, તો શું તમે જવાબદારી લેશો?

દુનિયામાંથી લોગ આઉટ કરી નવી સફર પર રવાના

ગુઆવાએ 24 મેના રોજ તેની છેલ્લી પોસ્ટ શેર કરી હતી. આમાં તેણે લખ્યું, દુનિયામાંથી લોગ આઉટ કરી નવી સફર પર રવાના. તમામ વ્યવસાયિક કાર્યક્રમો સ્થગિત. થોડા કલાકો પછી, તેના પરિવારે સોશિયલ મીડિયા પર એક પોસ્ટ દ્વારા તેના મૃત્યુની જાણ કરી. પોસ્ટમાં લખ્યું હતું કે, આપણી પ્રિય ગુઆવા સુંદરીએ 24 મેના રોજ તેના બ્રશ નીચે મૂક્યા અને એક નવી દુનિયામાં ઉડી ગઈ. કદાચ તે સ્વર્ગમાં મેકઅપ કરી રહી છે.