દેવભૂમિ દ્વારકામાં ટ્રાફીક પી.એસ.આઇ. એન.ડી. કલોત્રા તથા ટ્રાફીક ટીમ દ્વારા દિવાળી પર્વને લઇને સુંદર કામગીરી કરવામાં આવી હતી. દિવાળીનાં તહેવારોને અનુલક્ષીને કૃષ્ણભકતો જગતમંદિરે ઉમટી પડયા હતા. ત્યારે કલીબેન ગાંડાભાઇ ઘામેશી પરિવારથી વિખૂટા પડી ગયા હતા. તે વાતને ટ્રાફીક પીએસઆઇને જાણ થતા તુરત જ તેમના પરિવારને શોધી કાઢવામાં આવ્યો હતો. મુળ ઉપલેટાના રહેવાસી કલીબેનને તેમના પરિવાર સાથે મિલન કરાવ્યુ હતું.

દ્વારકા દર્શનાર્થે આવેલા નાનુબેન ચંદ્રકાંતભાઇ ભાદેચા, રેલ્વેસ્ટેશનેથી દ્વારકા મંદિરે આવતા રીક્ષામાં પોતાનુ પર્સ ભુલી ગયા હતા. ત્યારબાદ રીક્ષાચાલકને આ વાતની જાણ ટ્રાફીક પીએસઆઇ એન.ડી કાલોત્રાને જાણ કરી હતી એન.ડી. કલોત્રા દ્વારા તુરત જ પર્સ માલિકને ખાતરી કરી શોધી કાઢવામાં આવી હતી પર્સ માલિક નાનુબેનને આ પર્સ ખાતરી કરી પરત કરવામાં આવ્યું હતું. આ સુંદર કામગીરી દ્વારકાવાસીઓ તથા યાત્રિકો ખુશ થયા હતા. પીએસઆઇને આ સુંદર કામગીરી બદલ શુભેચ્છા પાઠવી હતી.