ખેડૂતોનું આંદોલન હજુ પણ ચાલુ છે. હરિયાણા તેનાથી પ્રભાવિત રાજ્ય છે. આવી સ્થિતિમાં ફરી એકવાર રાજ્યમાં મોબાઈલ ઈન્ટરનેટ પર પ્રતિબંધ વધારવાની જાહેરાત કરવામાં આવી છે.

હરિયાણાના સાત જિલ્લામાં મોબાઈલ ઈન્ટરનેટ પર પ્રતિબંધ વધારી દેવામાં આવ્યો છે. ઈન્ટરનેટ બંધ કરવાની તારીખ 23મી ફેબ્રુઆરી સુધી લંબાવવામાં આવી છે. અંબાલા, કુરુક્ષેત્ર, કૈથલ, જીંદ, હિસાર, ફતેહાબાદ અને સિરસામાં મોબાઈલ ઈન્ટરનેટ અને બલ્ક મેસેજિંગ પર પ્રતિબંધ લાગુ છે. વહીવટીતંત્રનું કહેવું છે કે ઈન્ટરનેટ સેવાઓનો દુરુપયોગ ભડકાઉ માહિતી ફેલાવવા માટે થઈ શકે છે. આના કારણે જાહેર મિલકતોને નુકસાન થવાની સ્પષ્ટ શક્યતા છે. આવી સ્થિતિમાં મોબાઈલ ઈન્ટરનેટ પર પ્રતિબંધ મૂકવાનો નિર્ણય આગળ લેવામાં આવ્યો છે.

હરિયાણામાં છોડવામાં આવ્યા હતા ટીયર ગેસના શેલ 
બુધવારે પંજાબ અને હરિયાણાની શંભુ બોર્ડર પર મલ્ટી-ટાયર્ડ બેરિકેડ્સ તરફ આગળ વધ્યા પછી ખેડૂતો પર ટીયર ગેસના શેલ છોડવામાં આવ્યા હતા. હરિયાણા પોલીસે સવારે 11 વાગ્યાની આસપાસ ટીયર ગેસના શેલ છોડ્યા હતા, ત્યારબાદ યુવા ખેડૂતો બચવા માટે અહીં-ત્યાં દોડતા જોવા મળ્યા હતા. પંજાબ અને હરિયાણા વચ્ચેના બે સરહદી બિંદુઓ પર વિરોધ કરી રહેલા ખેડૂતો બુધવારે તેમની “દિલ્હી ચલો” કૂચ ફરી શરૂ કરી રહ્યા છે. 

કઠોળ, મકાઈ અને કપાસની લઘુત્તમ ટેકાના ભાવે (એમએસપી) પાંચ વર્ષ માટે ખરીદવાની કેન્દ્રની દરખાસ્તને સરકારી એજન્સીઓએ નકારી કાઢ્યા પછી તેઓ તેમનું આંદોલન ફરી શરૂ કરી રહ્યા છે. 13 ફેબ્રુઆરીએ હજારો ખેડૂતોએ દિલ્હી તરફ કૂચ કરવાનું શરૂ કર્યું. આ ખેડૂતોને હરિયાણા બોર્ડર પર રોકવામાં આવ્યા હતા, જ્યાં સુરક્ષા જવાનો સાથે તેમની અથડામણ થઈ હતી.