T20 વર્લ્ડ કપ 2024ની ટાઈટલ મેચ ભારત અને દક્ષિણ આફ્રિકા વચ્ચે રમાઈ રહી છે. ભારતીય કેપ્ટન રોહિત શર્માએ ટોસ જીતીને પ્રથમ બેટિંગ કરવાનું પસંદ કર્યું હતું. આ ટૂર્નામેન્ટમાં બંને ટીમો અત્યાર સુધી અજેય રહી છે. ભારતે સાત મેચ જીતી છે અને દક્ષિણ આફ્રિકાએ સતત 8 મેચ જીતી છે.

T20 વર્લ્ડ કપ 2024ની ફાઈનલ આજે ભારત અને દક્ષિણ આફ્રિકા વચ્ચે બાર્બાડોસમાં રમાઈ રહી છે. ભારતીય કેપ્ટન રોહિત શર્માએ ટોસ જીતીને પ્રથમ બેટિંગ કરવાનો નિર્ણય કર્યો છે. બંને ટીમોની પ્લેઈંગ 11માં કોઈ ફેરફાર કરવામાં આવ્યો નથી.

ફાઈનલ મેચ દરમિયાન વરસાદની 51% શક્યતા છે. એક દિવસ પહેલા પણ બ્રિજટાઉનમાં ભારે વરસાદ પડ્યો હતો. જો વરસાદના કારણે આ મેચ રમી શકાતી નથી, તો રિઝર્વ ડે એટલે કે 30મી જૂને ફરીથી તે જ સ્ટેડિયમમાં રમાશે. ભારત બીજી વખત ચેમ્પિયન બનવાનો પ્રયાસ કરશે અને દક્ષિણ આફ્રિકા પ્રથમ વખત ચેમ્પિયન બનવાનો પ્રયાસ કરશે.

વિરાટ-રોહિત પાસે પ્રથમ વખત વર્લ્ડ કપ જીતવાની તક
રોહિત શર્મા અને વિરાટ કોહલી અત્યાર સુધી 50 અને 20 ઓવરના 6 વર્લ્ડ કપ રમી ચૂક્યા છે. T20 વર્લ્ડ કપ 2024 આ જોડીનો સાતમો વર્લ્ડ કપ છે. 2007માં જ્યારે ભારતે પ્રથમ વખત T20 વર્લ્ડ કપ જીત્યો ત્યારે રોહિત ટીમનો ભાગ હતો. તે સમયે વિરાટ કોહલીએ આંતરરાષ્ટ્રીય ક્રિકેટમાં ડેબ્યુ કર્યું ન હતું. 2011માં જ્યારે ભારતે 50 ઓવરનો ખિતાબ જીત્યો ત્યારે રોહિત ભારતીય ટીમની બહાર હતો. આ રીતે આ જોડી અત્યાર સુધી એકસાથે વર્લ્ડ કપ જીતી શકી નથી.