‘બાહુબલી ૩’ ને લઈને ચર્ચાઓ ત્યારે અચાનક તેજ થઈ ગઈ જ્યારે 'બાહુબલી: ધ ટોર્ચબિઅરર' ડોક્યુમેન્ટ્રીની એક નાની ક્લિપ સોશિયલ મીડિયા પર જોરદાર વાયરલ થવા લાગી. આ વીડિયોમાં પ્રભાસ, રાણા દગ્ગુબાતી અને અનુષ્કા શેટ્ટી એકસાથે બેઠેલા જોવા મળે છે અને ત્રણેય વાતો-વાતોમાં આ ફ્રેન્ચાઈઝીના આગામી પાર્ટ તરફ ઈશારો કરે છે.આ વીડિયો સામે આવ્યા બાદ સોશિયલ મીડિયા પર ચાહકોનો ઉત્સાહ સાતમા આસમાને પહોંચી ગયો છે અને લોકો તેને ‘બાહુબલી ૩’ની સત્તાવાર હિન્ટ માની રહ્યા છે.
વર્ષ ૨૦૧૫માં ‘બાહુબલી: ધ બિગિનિંગ’ થી શરૂ થયેલી આ સફરે ભારતીય સિનેમાને પ્રભાસ, રાણા દગ્ગુબાતી અને અનુષ્કા શેટ્ટી જેવા પેન-ઇન્ડિયા સુપરસ્ટાર્સ આપ્યા. બાહુબલી ૨ (ધ કન્ક્લુઝન) નું વર્લ્ડવાઈડ કલેક્શન: આશરે ૧,૭૮૮ કરોડ રહ્યું છે.આ જંગી કમાણી સાથે આ ફિલ્મ આજે પણ ભારતની સૌથી વધુ કમાણી કરનારી ફિલ્મોમાં મોખરે છે. ગયા વર્ષે જ રાજામૌલીની આ બંને ફિલ્મોને જોડીને 'બાહુબલી: ધ એપિક' નામે એક જ ફિલ્મ તરીકે તેલુગુ, તમિલ, મલયાલમ અને હિન્દીમાં ફરી રજૂ કરવામાં આવી હતી. હવે જોવાનું એ રહેશે કે રાજામૌલી ક્યારે પાર્ટ-૩ ની સત્તાવાર જાહેરાત કરે છે.