ગુજરાતમાં આયુર્વેદિક ડોકટરો દ્રારા એલોપેથીક દવાઓ લખવાની મંજૂરી અંગેનો મુદ્દો ફરી ચર્ચામાં આવ્યો છે. ઓલ ગુજરાત આયુર્વેદ મેડિકલ એસોસિએશન દ્રારા સુપ્રીમના આદેશને ટાંકીને ગુજરાત હાઇકોર્ટમાં દાખલ કરવામાં આવેલી અરજીમાં માંગ કરવામાં આવી છે કે જે આયુર્વેદિક ડોકટરોએ તેમના અભ્યાસક્રમમાં એલોપેથીનો સત્તાવાર અભ્યાસ કર્યેા હોય, તેમને એલોપેથીક દવાઓ લખવાની મંજૂરી આપવામાં આવે.
અરજદારોનો દાવો છે કે તેઓએ તેમના શૈક્ષણિક અભ્યાસ દરમિયાન એલોપેથી દવાઓનું પૂરતું જ્ઞાન મેળવ્યું છે, છતાં રાય અને કેન્દ્ર સરકારો વર્ષેાથી તેમને આ પ્રકારની પ્રેકિટસ કરવાની પરવાનગી આપતી નથી. એસોસિએશનનું કહેવું છે કે આ સ્થિતિ ડોકટરો માટે અયોગ્ય છે અને તેમના વ્યાવસાયિક અધિકારો પર અસર કરે છે.
આ અરજીમાં સુપ્રીમ કોર્ટ ઓફ ઇન્ડિયાના ૨૦૧૮ના એક આદેશનો પણ ઉલ્લેખ કરવામાં આવ્યો છે. આ આદેશમાં સંકલિત મેડિકલ સિસ્ટમમાં તાલીમ મેળવેલા પ્રેકિટશનરોને સુરક્ષા આપવામાં આવી હતી.
ખાસ કરીને, એવા તબીબોને રાહત આપવામાં આવી હતી જેમણે આયુર્વેદ અને એલોપેથી બંનેના ઘટકો શીખવતી માન્ય સંસ્થાઓમાંથી ડિગ્રી અથવા ડિપ્લોમા મેળવ્યા હતા. તેમ છતાં, રાયના કેટલાક અધિકારીઓએ આવા ડોકટરો સામે કાર્યવાહી શ કરી હતી, જેના કારણે વિવાદ ઊભો થયો.
આ કેસમાં રજૂ થયેલા દલીલો અનુસાર, સુપ્રીમ કોર્ટે તે સમયે વચગાળાની રાહત આપીને આવા પ્રેકિટશનરો સામે બળજબરીથી કાર્યવાહી પર રોક લગાવી હતી. હાલ, આ મુદ્દે સ્પષ્ટ્ર નીતિ ન હોવાને કારણે ગૂંચવણ ઉભી થઈ રહી છે.
ન્યાયમૂર્તિ એચ.એમ. પ્રચ્છકે અરજી સ્વીકારી છે અને રાય સરકાર સહિત વિવિધ સંસ્થાઓ પાસેથી જવાબ માંગ્યા છે. તેમાં ગુજરાત આયુર્વેદ અને યુનાની સિસ્ટમ ઓફ મેડિસિન બોર્ડ, ગુજરાત આયુર્વેદ યુનિવર્સિટી અને રાષ્ટ્ર્રીય ભારતીય સિસ્ટમ ઓફ મેડિસિન કમિશનનો સમાવેશ થાય છે.
હાઇકોર્ટે આ નવી અરજીને ૨૦૦૬થી પેન્ડિંગ રહેલા એક સંબંધિત કેસ સાથે સાંભળવાનો નિર્ણય કર્યેા છે. આ અગાઉની અરજીમાં રાય સરકારના તે પરિપત્રને પડકારવામાં આવ્યો હતો જેમાં એમબીબીએસ સિવાયના ડોકટરોને એલોપેથી પ્રેકિટસથી રોકવામાં આવ્યા હતા.
આ મુદ્દે ગુજરાત મેડિકલ કાઉન્સિલએ પણ અરજીનો વિરોધ નોંધાવ્યો છે.
અદાલતે તમામ પક્ષોને એક અઠવાડિયામાં જવાબ રજૂ કરવા જણાવ્યું છે અને આગામી સુનાવણીની તારીખ પણ નક્કી કરી છે.
હવે આ કેસનો નિર્ણય રાયમાં સંકલિત મેડિકલ પ્રેકિટસના ભવિષ્ય માટે મહત્વપૂર્ણ બની શકે છે.