શુક્રવારે બાઈક રેલી યોજીને આવેદનપત્ર અપાશે -

બાંગ્લાદેશમાં લઘુમતી હિંદુઓ પર અને હિંદુ મંદિરો પર કરવામાં આવતા હુમલાઓ અને તાજેતરમાં કરવામાં આવેલી હિંદુઓની નિર્મમ હત્યાનો વિરોધ સમગ્ર દેશમાં કરવામાં આવી રહ્યો છે. ત્યારે સરેઆમ કરવામાં આવતા માનવ અધિકારના ઉલ્લંઘન સામે વિશ્વભરમાં વિરોધ ઉઠી રહ્યો છે. જેને અનુલક્ષીને ખંભાળિયામાં પણ આ ઘટનાના ઘેરા પડઘા પડ્યા છે. ખંભાળિયાના હિન્દુ અસ્મિતા મંચ દ્વારા આ ગંભીર મુદ્દે રેલી યોજી, જિલ્લા કલેકટરને આવેદનપત્ર આપવાનું આયોજન કરવામાં આવ્યું છે.

આને અનુલક્ષીને ખંભાળિયાના હિંદુ અસ્મિતા મંચ દ્વારા આગામી શુક્રવાર તા. 6 ના રોજ બપોરે  સાડા ત્રણ વાગ્યે અહીંના જોધપુર ગેઈટથી એક વિશાળ બાઈક રેલી સ્વરૂપે અહીંના જિલ્લા સેવા સદન ખાતે જિલ્લા કલેક્ટરને આ મુદ્દે આવેદનપત્ર પાઠવવામાં આવશે. આ આયોજનમાં દરેક જ્ઞાતિજનો, મિત્ર મંડળ, હિન્દુ ભાઈ-બહેનો અને સંસ્થાઓના કાર્યકરોને વિશાળ સંખ્યામાં જોડાવા માટે હિન્દુ અસ્મિતા મંચ દ્વારા અપીલ કરવામાં આવી છે.