પોરબંદરમાં પશુપાલકોને ચાફ કટર મશીનની યોજનાનો લાભ અપાતા પશુપાલકો કે ખુશી વ્યક્ત કરી હતી.
કૃષિ, ખેડુત ક્લ્યાણ અને સહકાર વિભાગ, ગુજરાત સરકાર દ્વારા ખેડુતોના હિતલક્ષી ઘણી બધી યોજનાઓ અમલી બનાવેલ છે. ખેડુતોને પાક ઉત્પાદન વધારવા માટે વિવિધ ઓજારો અને સાધનની મદદ લેવી પડે છે જેથી સમય અને શક્તિની બચત થાય.આવા કિંમતી સાધનોની ખરીદી પર સરકાર દ્વારા સબસીડી આપવામાં આવે છે. ખેડુતોને ઈલેક્ટ્રીક મોટર ઓપરેટેડ ચાફ કટર અને એન્જીન આધારે ચાલતા ચાફ કટરની ખરીદી પર સબસીડી આપવામાં આવે છે, આ યોજના અંતર્ગત પોરબંદર જિલ્લાના રાણાવાવ તાલુકાના લાભાર્થી પશુપાલકે પોતાનો પ્રતિભાવ આપ્યો હતો. પોરબંદર જિલ્લાના રાણાવાવ તાલુકાના ખીજદડ ગામ ખાતે રહેતા દેવેન્દ્રકુમાર ભીમશીભાઈ નામના યુવાનને પશુપાલન ખાતાની સહાયનો લાભ મળ્યો છે.આ યુવાન પશુપાલનનો વ્યવસાય ધરાવે છે,ત્યારે સરકારની કલ્યાણકારી યોજનાનો લાભ મળતા તેઓએ તેમનો પ્રતિભાવ આપતા જણાવ્યું હતું કે, પશુપાલન ખાતા દ્વારા મને ચાફ કટર મશીનની ખરીદી માટે સહાય મળી છે.રાજય સરકારની કલ્યાણકારી યોજનાઓના માધ્યમથી મને જિલ્લા પશુપાલન શાખા દ્વારા ચાફ કટર ખરીદીની ૧૮,૦૦૦ ‚પિયાની સહાય મળી છે.ચાફ કટરની સહાય મળવાને કારણે હું બસ્સો જેટલા પશુઓને આપવાના થતા ઘાસનું કટીંગ સરળતાથી કરી શકું અને પશુઓના નિભાવ માટે આ ઘાસ કટીંગની સહાય મને ખુબ ઉપયોગી નીવડી છે. પશુઓને જ્યારે ઘાસ હું આપતો હતો ત્યારે ઘાસનો બગાડ થતો હતો, પરંતુ હાલ આ ચાફ કટરની સહાય મળતા ઘાસનું કટીંગ કરીને પશુઓને આપું છું જેથી ઘાસનો થતો બગાડ પણ અટક્યો છે.ઘાસનો બગાડ અટકતા આર્થિક રીતે પણ લાભ થયો છે.ઘાસનું કટીંગ કરીને પશુઓને ખવડાવું છું જેથી પશુઓની પાચનશક્તિ પણ વધે છે અને દુધ ઉત્પાદનમાં વધારો થવાથી હું આર્થિક રીતે સમૃદ્ધ બન્યો છું.