અંબાણી પરિવારે શુક્રવારે મુંબઈમાં અનંત અંબાણી અને રાધિકા મર્ચન્ટના લગ્નમાં મહેમાનોને લઈ જવા માટે ત્રણ ફાલ્કન-2000 જેટ ભાડે લીધા છે. અબજોપતિ મુકેશ અંબાણીના નાના પુત્ર અનંત અંબાણી તેની રાધિકા મર્ચન્ટ સાથે ભારતના સૌથી મોટા લગ્ન કરવા માટે તૈયાર છે. એર ચાર્ટર કંપ્ની ક્લબ વન એરના ચીફ એક્ઝિક્યુટિવ ઓફિસર રાજન મહેરાએ જણાવ્યું હતું કે અંબાણી પરિવારે લગ્નના મહેમાનોને પરિવહન કરવા માટે ત્રણ ફાલ્કન-2000 જેટ ભાડે લીધા છે અને અપેક્ષા છે કે 100 થી વધુ ખાનગી વિમાનોનો ઉપયોગ કરવામાં આવશે. દુનિયભરથી મહેમાનો આવી રહ્યા છે અને દરેક વિમાન દેશભરમાં અનેક યાત્રાઓ કરશે.

ભવ્ય ભારતીય લગ્ન સમારોહ મુંબઈના સેન્ટ્રલ બિઝનેસ ડિસ્ટ્રિક્ટમાં સ્થિત બાંદ્રા કુલર્િ સેન્ટરમાં આવેલા જિયો વર્લ્ડ સેન્ટરમાં થશે. સ્થળની નજીકના રસ્તાઓ 12-15 જુલાઈના રોજ બપોરે 1 વાગ્યાથી મધ્યરાત્રિ દરમિયાન માત્ર ઇવેન્ટ વાહનો માટે ખુલ્લા રહેશે. મુંબઈમાં ટ્રાફિક પોલીસે ત્રણ દિવસ માટે રસ્તા પર પ્રતિબંધો અંગે વિગતવાર સલાહ આપી છે. મુખ્ય લગ્ન સમારોહ શુક્રવાર, 12 જુલાઈના રોજ થશે જ્યારે આગામી બે દિવસ આશીવર્દિ અને સ્વાગત માટે રાખવામાં આવ્યા છે.
અનંત અને રાધિકાના લગ્ન માટેની પાર્ટીઓની શરૂઆત જામનગરમાં પ્રી-વેડિંગથી થઈ હતી. પછી બીજા પ્રી-વેડિંગ ઇટાલી અને ફ્રાન્સમાં યોજાયા અને ક્રુઝ પર લાંબી ઉજવણી થઈ હતી. મે મહિનામાં અંબાણી પરિવારે બોલિવૂડ સ્ટાર્સ અને ક્રિકેટર્સ સહિત 800 મહેમાનો માટે પ્રી-વેડિંગ લક્ઝરી યુરોપિયન ક્રૂઝ પાર્ટીનું આયોજન કર્યું હતું. હવે છેલ્લા બે અઠવાડિયાથી મુંબઈમાં ઘણા કાર્યક્રમો ચાલી રહ્યા છે. આ સમારંભમાં વૈશ્વિક કલાકારો જેમ કે જસ્ટિન બીબર, રીહાન્ના, કેટી પેરી અને બોય બેન્ડ બેકસ્ટ્રીટ બોયઝ સેલિબ્રિટી મહેમાનો માટે પરફોર્મ કરી રહ્યા હતા, જેમાંથી ઘણા ભારતના ટોચના બોલિવૂડ કલાકારો હતા.