એપલના સીઈઓ ટિમ કુકે બુધવારે સાંજે દિલ્હીમાં પ્રધાનમંત્રી નરેન્દ્ર મોદી સાથે મુલાકાત કરી હતી. પ્રધાનમંત્રીએ ટિમ કૂકનું ઉષ્માભર્યું સ્વાગત કર્યું હતુ.

એપલના સીઈઓ ટિમ કુકે બુધવારે સાંજે દિલ્હીમાં પ્રધાનમંત્રી નરેન્દ્ર મોદી સાથે મુલાકાત કરી હતી. પ્રધાનમંત્રીએ ટિમ કૂકનું ઉષ્માભર્યું સ્વાગત કર્યું. આ દરમિયાન તેમની વચ્ચે વર્તમાન યુગમાં ટેકનોલોજીના વિસ્તરણ પર ચર્ચા થઈ હતી. પ્રધાનમંત્રી નરેન્દ્ર મોદીને મળ્યા બાદ ટિમ કુકે પોતાના ટ્વિટર હેન્ડલ પર ફોટો શેર કર્યો હતો.

ટિમ કુકે પોતાના ટ્વીટમાં લખ્યું કે ઉષ્માભર્યા સ્વાગત માટે મોદીજીનો આભાર. અમે બંનેએ ભવિષ્યમાં ટેક્નોલોજીની સકારાત્મક અસરના વિઝન શેર કર્યા. શિક્ષણ, વિકાસકર્તાઓથી લઈને ઉત્પાદન અને પર્યાવરણમાં રોકાણ વધારવા માટે પ્રતિબદ્ધ છીએ.

પીએમ મોદીએ આ શૈલીમાં જવાબ આપ્યો

પીએમ મોદીએ પણ ટિમ કુકના ટ્વીટનો જવાબ આપ્યો. પીએમએ કહ્યું કે તમને મળીને આનંદ થયો ટિમ કુક. વિવિધ વિષયો પર મંતવ્યોનું આદાનપ્રદાન કરવાનો અને ભારતમાં થઈ રહેલા ટેક-આધારિત ફેરફારોને પ્રકાશિત કરવાનો આનંદ હતો.

ભારતનો બીજો સ્ટોર દિલ્હીમાં ખોલાશે

મુંબઈ બાદ એપલ હવે દિલ્હીમાં સ્ટોર ખોલવા જઈ રહી છે. તે સિલેક્ટ સિટીવોક મોલ, સાકેત, દિલ્હી ખાતે ખુલી રહ્યું છે. ટિમ કૂક આવતીકાલે સાકેતમાં સિલેક્ટ સિટી મોલમાં સ્ટોરના ઉદઘાટન સમયે ગ્રાહકોનું સ્વાગત કરશે. મહત્વનું છે કે, ગઈકાલે ટિમ કૂકે મુંબઈમાં બાંદ્રા કુર્લા કોમ્પ્લેક્સ (BKC) ખાતે ભારતમાં Appleનો પ્રથમ સત્તાવાર સ્ટોર લોન્ચ કર્યો હતો.