કોલકાતાની સરકારી આરજી કર હોસ્પિટલ અને મેડિકલ કોલેજમાં મહિલા ડોક્ટર સાથે બળાત્કાર અને હત્યાની ઘટના બાદ પશ્ચિમ બંગાળ સરકારે મોટું પગલું ભર્યું છે. વિધાનસભાના વિશેષ સત્રના બીજા દિવસે (બંગાળ એસેમ્બલી સમાચાર), બંગાળ સરકારે બળાત્કાર વિરોધી સુધારો બિલ રજૂ કર્યું છે. આ બિલનો ઉદ્દેશ્ય પીડિતોને ન્યાય આપવાનો અને બળાત્કારના ગુનેગારોને ઝડપી અને કડક સજા આપવાનો છે.
આ બિલમાં બળાત્કારના દોષિતોને 10 દિવસની અંદર મૃત્યુદંડ (ફાંસી) સુનિશ્ચિત કરવાનો પ્રસ્તાવ છે. આ બળાત્કાર વિરોધી બિલનું નામ અપરાજિતા મહિલા અને બાળ (પશ્ચિમ બંગાળ ક્રિમિનલ લો એન્ડ એમેન્ડમેન્ટ) બિલ 2024 છે. રાજ્યમાં મુખ્ય વિપક્ષ ભાજપના ધારાસભ્યો પણ આ બિલને સમર્થન આપશે. મંગળવારે જ ગૃહમાં પાસ થયા બાદ બિલ રાજ્યપાલને મોકલવામાં આવશે.
જાણો શું છે આ બિલમાં ?
બળાત્કાર અને હત્યાના કેસમાં મૃત્યુદંડની જોગવાઈ
આ બિલ હેઠળ ચાર્જશીટ દાખલ કર્યાના 36 દિવસની અંદર મૃત્યુદંડની જોગવાઈ હશે.
માત્ર બળાત્કાર જ નહીં પણ એસિડ એટેક પણ એટલો જ ગંભીર ગુનો છે, જેના માટે આ બિલમાં આજીવન કેદની જોગવાઈ છે.
દરેક જિલ્લામાં સ્પેશિયલ ફોર્સ-અપરાજિતા ટાસ્ક ફોર્સની રચના કરવામાં આવશે.
આ અપરાજિતા ટાસ્ક ફોર્સ બળાત્કાર, એસિડ એટેક કે છેડતીના કેસમાં કાર્યવાહી કરશે.
આ બિલમાં બીજી ખૂબ જ મહત્વની વાત ઉમેરવામાં આવી છે, તે એ છે કે જો કોઈ પીડિતાની ઓળખ જાહેર કરશે તો તેની સામે પણ કડક કાર્યવાહી કરવામાં આવશે.
અગાઉ પણ આવું બિલ લાવવાના થયા હતા પ્રયાસો
રાજ્યમાં આ બિલ રજૂ કરવા માટે વિશેષ સત્ર બોલાવવામાં આવ્યું છે. જો કે, આ પહેલીવાર નથી કે જ્યારે કોઈ રાજ્ય સરકારે બળાત્કાર અને મહિલાઓ અને બાળકો સામેના ગંભીર ગુનાઓ માટે આવા બિલ રજૂ કર્યા હોય, આ પહેલા પણ બે રાજ્યોએ આવા બિલ લાવવાનો પ્રયાસ કર્યો છે. આંધ્ર પ્રદેશે વર્ષ 2019માં દિશા બિલ લાવવાનો પ્રયાસ કર્યો હતો અને મહારાષ્ટ્રે વર્ષ 2020માં શક્તિ બિલ લાવવાની ઝુંબેશ શરૂ કરી હતી, પરંતુ બિલને મંજૂરી આપવામાં આવી ન હતી.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationકેશોદ-મુંબઈ વિમાની સેવા બંધ થતાં વેપારીઓ અને પર્યટન ક્ષેત્રને ફટકો, પુનઃ શરૂ કરવાની માગ
April 03, 2025 09:09 PMઅમેરિકામાં તોફાનથી ભયંકર તબાહી, લાખો ઘરોની વીજળી ગુલ, પૂર આવવાનો પણ ખતરો
April 03, 2025 09:07 PMલંડનથી મુંબઈ આવી રહેલી ફ્લાઈટ ટર્કી પહોંચી, 200થી વધુ ભારતીયો 15 કલાકથી ફસાયા, જાણો શું છે કારણ
April 03, 2025 09:05 PM4 એપ્રિલની ગાંધીધામ-પાલનપુર-ગાંધીધામ એક્સપ્રેસ આંશિક રીતે રદ રહેશે
April 03, 2025 09:02 PMCopyright © 2023-2024 Aajkaal Daily
Developed by Rhythm Infotech