જામનગર જિલ્લાના લાલપુર તાલુકાના ભણગોર ગામમાં એક મહિલાની માલિકીની જમીનમા દબાણ કરવા અંગે એ જ ગામના એક શખ્સ  સામે લેન્ડગ્રેબિગની કલમ હેઠળ ગુનો નોંધવામાં આવ્યો છે.

લાલપુર તાલુકાના ભણગોર ગામના રંજનબેન ગોગનભાઈ ગોજીયા એ વર્ષ ૨૦૧૦ માં ૧૫  વીઘા ખેતી ની જમીન ખરીદ કરી હતી. ત્યારથી પાંચ વીઘા જમીનમાં ભણગોર ગામના જ ધારણાત ગગુભાઈ ગોજીયા એ તે જમીન માં દબાણ કર્યું હતું અને ગેરકાયદે કબજો જાળવી રાખ્યો હતો. પોતા ની જમીન મા થયેલ ગેરકાયદે કબજો ખાલી કરી આપવા અને એક વખત જણાવવાનું આવ્યું છતાં જમીનનો કબજો નહીં છોડતા આખરે રંજનબેન દ્વારા જિલ્લા કલેકટર સમક્ષ રજૂઆત કરી પોતાની જમીન મા થયેલ  દબાણ ખાલી કરાવી આપવા અને આરોપી સામે લેન્ડ ગ્રેબીન એક્ટ હેઠળ ગુનો દાખલ કરવા અરજી કરવામાં આવી હતી. આવતી કલેકટર કચેરી દ્વારા આ જમીન અંગે જેના દ્વારા તપાસ કરવામાં આવી હતી અને આખરે જમીનમાં ગેરકાયદે દબાણ હોવાનું જણાતાં  પોલીસ વિભાગને ગુનો નોંધવા  આદેશ કરવામાં આવ્યો હતો.

જેના અનુસંધાને ગઈકાલે લાલપુર પોલીસે રંજનબેન ગોગનભાઈ ગોજીયાની ફરિયાદના આધારે ભણગોર ગામના આરોપી ધરણાત ગગુભાઈ ગોજીયા સામે પારકી  જમીનમાં ગેરકાયદે કબજો જમાવી રાખવા અંગે લેન્ડ ગ્રેબીગ એક્ટ ની કલમ હેઠળ ફરિયાદ નોંધી હતી. અને સમગ્ર પ્રકરણ અંગે  તપાસ શરૂ કરી છે.