વેરાવળ તાલુકાનાં કાજલી માર્કેટીંગ યાર્ડમાં શાકભાજી અને ફ્રુટની હરરાજી શરૂ કરવામાં આવશે. આ હરરાજી તા.17ને ગુરુવારે વહેલી સવારે 5-30 કલાકે કરવામાં આવશે. આથી શાકભાજીના વેપારીઓ કમીશન એજન્ટો અને શાકભાજી પકવતા ખેડૂતોને જણાવવામાં આવે છે કે, હરરાજીના અનુસંધાને આજે  બુધવારે કાજલી માર્કેટીંગ યાર્ડના શાકભાજીના શેડમાં સાંજે 5-30 કલાકે ગાળા (જગ્યા)ની હરરાજી કરવામાં આવશે. જેથી વેપારીઓ અને કમીશન એજન્ટો એ હાજરી આપવા જણાવાયું છે.કાજલી માર્કેટીંગ યાર્ડમાં શાકભાજી અને ફ્રુટની હરરાજીની શરૂઆત થતાં વેપારીઓ કમીશન એજન્ટો અને ખેડૂતોમાં આનંદની લાગણી ફેલાયેલ છે કારણ કે કાજલી માર્કેટીંગ યાર્ડ વિશાળ જગ્યામાં ફેલાયેલ છે સાથે યાર્ડની બંને સાઈટમાં નેશનલ હાઇવે રોડ આવેલ છે તેમજ વિશાળ પાર્કિંગની વ્યવસ્થાને કારણે ખેડૂતો વેપારીઓ અને કમીશન એજન્ટોને ટ્રાફીક બાબતે કોઈ અડચણો પડવાની નથી સાથે યાર્ડમાં વિશાળ શેડ આવેલ હોવાથી વરસાદ તડકામાં માલ સામાન બગડવાનો નથી.