ઝારખંડના પશ્ચિમ સિંહભૂમ જિલ્લાના ચિમિસાઈ ગામમાં 11 મહિનાની બાળકીના લગ્ન કૂતરા સાથે કરાવવાના સમાચાર સામે આવ્યા છે.

આ લગ્ન પણ સામાન્ય લગ્નની જેમ જ થયા હતા. તેમાં બધું જ હતું - વરરાજા, કન્યા, બેન્ડ અને લગ્નની જાન પણ. લગ્ન પછી મહેમાનોએ મિજબાનીનો આનંદ પણ માણ્યો.

હો જનજાતિ (આદિજાતિ) માં દાંત ઉપર દાંત (કુકુર દાંત)ને અશુભ માનવામાં આવે છે. આ અંધશ્રદ્ધાને કારણે જો કોઈ છોકરીને કુકુર દાંત હોય, તો દુર્ભાગ્યથી બચાવવા માટે તેના લગ્ન કૂતરા સાથે કરાવવાની પરંપરા છે.

આ લગ્ન માગે પર્વ દરમિયાન થાય છે અને આ દિવસોમાં હો આદિવાસીઓનો માગે ઉત્સવ ચાલી રહ્યો છે. દરમિયાન, શુક્રવારે છોકરીના લગ્ન એક કૂતરા સાથે કરાવવામાં આવ્યા હતા.

જોકે, આ લગ્ન માત્ર એક ધાર્મિક વિધિ છે. ચિમીસાઈ ગામમાં લગ્ન દરમિયાન, કૂતરાના એક અંગૂઠાના નખ સિંદૂર લગાવીને છોકરીના કપાળ પર સિંદૂર ભરવામા આવે છે.

એ પછી કૂતરાને છોડી દેવામાં આવે છે. આ લગ્ન દરમિયાન લોકો ઉજવણી કરતા પણ જોવા મળ્યા હતા. સ્ત્રીઓ નાચી રહી હતી અને ઢોલ વગાડી રહી હતી. યુવાનો મંદારના તાલ પર નાચી રહ્યા હતા.

લગ્ન દરમિયાન કૂતરાએ ધોતી પહેરી હતી. તેવી જ રીતે છોકરીએ પીળા રંગની સાડી પહેરેલી હતી. આ પછી, બંનેને ખોળામાં લઈને વિધિવત પૂજા કરવામાં આવી.

 આ લગ્ન પહેલા એક બલિ પણ ચડાવવામાં આવી હતી. એ પછી લગ્ન સમારોહ શરૂ થયો હતો.