ભાવનગર જિલ્લામાં  ધૂપછાંવના વાતાવરણ વચ્ચે આજે શુક્રવારે  બપોર સુધી મેઘરાજાએ વિરામ લીધો હતો.આજથી પાંચ દિવસ સુધી વરસાદની આગાહી વચ્ચે શહેરના કેટલાક વિસ્તારમાં સામાન્ય છાંટા વરસ્યા હતા.મહત્તમ તાપમાન ૩૫,લઘુત્તમ તાપમાન ૨૭.૮ ડિગ્રી , ભેજ ૮૫ ટકા અને પવનની ઝડપ ૮ કિ.મી. રહી હતી.શેત્રુંજી ડેમમાં હાલ પાણીની આવક ઘટીને ૪૫૦ ક્યુસેક આવક - જાવક શરૂ છે.આથી ડેમના પાંચ દરવાજા એક ફુટે ખોલાયા છે.
  ભાવનગર જિલ્લામાં આજે શુક્રવારે બપોર સુધી મેઘવિરામ રહયો હતો.હવામાન વિભાગે આજથી પાંચ દિવસ સુધી ભાવનગર જિલ્લામાં વરસાદની આગાહી કરી છે.આજે સવારે શહેરના કેટલાક વિસ્તારોમાં સામાન્ય છાંટા વરસ્યા હતા. પાલિતાણાના શેત્રુંજી ડેમમાં હાલ ૪૫૦ ક્યુસેક પાણીની આવક અને જાવક શરૂ છે.આથી ડેમના પાંચ દરવાજા એક ફુટે ખુલ્લા છે. ગઈકાલે પાણીની આવક વધતા ૨૦ દરવાજા એક ફુટે ખોલાયા હતા.પાલિતાણાના શેત્રુંજી ડેમ ઓવરફ્લો થતાં લોકો અને ખેડૂતો ખુશખુશાલ થયા છે.
  મહત્તમ તાપમાન ૦.૭ ડિગ્રી ઘટીને ૩૫ ડિગ્રી રહયું હતું.આથી લોકો ગરમીથી ત્રસ્ત બન્યા હતા.ભેજ વધુ રહેતા અસહય બફારો લોકોને રોજ તોબા પોકરાવી દે છે. આસો માસમાં પણ તાપમાન ઉંચુ રહે છે.  મહત્તમ તાપમાન ૩૫. ડિગ્રી, જ્યારે લઘુતમ તાપમાન ૧.૪ ડિગ્રી ઘટીને ૨૭.૮ ડિગ્રી રહયું હતુ. આજે શુક્રવારે સવારે ભેજ વધીને ૮૫ ટકા રહયો હતો. જ્યારે પવનની ઝડપ આજે સવારે ૮ કિ.મી. રહી હતી.   આસો માસના ત્રીજા સપ્તાહમાં ગરમીનું જોર વઘ-ઘટ થયા કરે છે. પરંતુ ભેજ વધુ રહેતા બફારો વધ્યો છે.આથી લોકો ભારે ત્રસ્ત થયા છે. ઑક્ટોબર મહિનાના ત્રીજા સપ્તાહમાં  લઘુત્તમ અને મહત્તમ તાપમાનમાં વઘઘટ થયા કરે છે.