શહેરના વિવિધ ભાગોમાં જોરદાર વિસ્ફોટો સંભળાયા હતા. શહેરના દક્ષિણ ભાગમાં, એક મુખ્ય લશ્કરી થાણા પાસે પણ વીજળી કાપી નાખવામાં આવી હતી. અગાઉ, વેનેઝુએલા દ્વારા પાંચ અમેરિકન નાગરિકોની ધરપકડ કરવામાં આવી હતી, જેના કારણે અમેરિકાએ કાર્યવાહી કરી હતી. યુએસ પ્રમુખ ડોનાલ્ડ ટ્રમ્પે અગાઉ ચેતવણી આપી હતી કે આગામી દિવસોમાં યુએસ લશ્કર વેનેઝુએલા અંદર જમીની હુમલો કરી શકે છે.

વેનેઝુએલા સરકારે હજુ સુધી કોઈ પ્રતિક્રિયા આપી નથી. રાજધાની કારાકાસમાં થયેલા વિસ્ફોટો બાદ, વિવિધ વિસ્તારોમાંથી લોકો રસ્તા પર ઉતરી આવ્યા હતા. કેટલાક લોકો કારાકાસ છોડીને જતા પણ જોવા મળ્યા હતા. આ એવા સમયે આવ્યું છે જ્યારે તાજેતરના દિવસોમાં યુએસ લશ્કર ડ્રગ્સ તસ્કરી કરતી બોટોને નિશાન બનાવી રહ્યું છે. વેનેઝુએલાએ કહ્યું કે તે ડ્રગ હેરફેર સામે લડવા માટે અમેરિકા સાથે કરાર કરવા માટે વાટાઘાટો કરવા તૈયાર છે.

દક્ષિણ અમેરિકન દેશના રાષ્ટ્રપતિ, નિકોલસ માદુરોએ પ્રસારિત થયેલા એક પૂર્વ-રેકોર્ડેડ ઇન્ટરવ્યુમાં કહ્યું હતું કે અમેરિકા વેનેઝુએલામાં સરકાર બદલવા માંગે છે. માદુરોએ એમ પણ કહ્યું હતું કે અમેરિકા દેશના વિશાળ તેલ ભંડારમાં પ્રવેશ મેળવવા માંગે છે.

માદુરો પર યુનાઇટેડ સ્ટેટ્સમાં નાર્કો-આતંકવાદનો આરોપ છે. ગયા અઠવાડિયે વેનેઝુએલાના ડ્રગ કાર્ટેલ દ્વારા ઉપયોગમાં લેવાતા ડોકિંગ એરિયા પર ડ્રોન હુમલા પાછળ સીઆઈએનો હાથ હતો. સપ્ટેમ્બરમાં અમેરિકાએ બોટો પર હુમલો કરવાનું શરૂ કર્યું ત્યારથી વેનેઝુએલાની ધરતી પર આ પહેલું જાણીતું સીધું ઓપરેશન હતું.

નોંધનીય છે કે છેલ્લા થોડા સમયથી અમેરિકા અને વેનેઝુએલા વચ્ચે તણાવ સતત વધી રહ્યો છે. અમેરિકાના પ્રમુખ ડોનાલ્ડ ટ્રમ્પ અવાર નવાર વેનેઝુએલાના પ્રમુખ માદુરોને સીધી ધમકી આપી ચૂક્યા છે. આટલું જ નહીં બંને દેશોએ સેનાઓ પણ ઍલર્ટ મોડમાં રાખી હતી. અમેરિકાએ હાલના દિવસોમાં વેનેઝુએલાના ઓઈલના જહાજો પર પણ હુમલો કર્યો હતો. અમેરિકાનો આરોપ છે કે વેનેઝુએલા ડ્રગ્સની હેરફેરમાં સામેલ છે. આ મામલે હજુ સુધી અમેરિકા તરફથી કોઈ પ્રતિક્રિયા આવી નથી.

યુએસ વેનેઝુએલામાં સત્તાપલટો કરી વિશાળ તેલ ભંડાર સુધી પહોંચવા માંગે છે: વેનેઝુએલાના પ્રમુખ

વેનેઝુએલાએ કહ્યું હતું કે ડ્રગ્સની હેરાફેરીના આરોપો મુદ્દે તેઓ અમેરિકા સાથે વાતચીત કરવા માટે તૈયાર છે. હાલમાં જ એક ઈન્ટરવ્યૂમાં વેનેઝુએલાના પ્રમુખ માદુરોએ કહ્યું હતું, કે અમેરિકા વેનેઝુએલામાં સત્તાપલટો કરાવવા માંગે છે. અમેરિકા વેનેઝુએલાના વિશાળ તેલ ભંડાર સુધી પહોંચવા માંગે છે. બીજી તરફ અમેરિકાનો આરોપ છે કે માદુરો અમેરિકામાં નાર્કો આતંકવાદ ફેલાવી રહ્યા છે. તેમના પર ડ્રગ્સની હેરાફેરીનો આરોપ છે.